ویانا. .. . .. ایران نے ایک بار پھر کہا ہے کہ عالمی طاقتوں کی جانب سے مراعاتی پیکیج کی پیشکش کے باوجود یورینیم کی افزودگی جاری رہے گی۔ویانا میں عالمی ایٹمی توانائی ایجنسی میں ایران کے سفیر علی اصغر سلطانیہ نے ایک انٹر ویو میں کہاکہ اسلامی جمہوریہ ایران یورینیم کی افزودگی جاری رکھے گا۔ان کا کہنا تھا کہ ایران کسی صورت اپنا ایٹمی پروگرام ترک نہیں کرے گا۔ عالمی طاقتوں نے ایران کو ایٹمی پروگرام سے متعلق ابتدائی بات چیت اوریورنیم کی افزودگی ترک کرنے کے عوض اقتصادی مراعات دینے کی پیش کش کی ہے ۔