صوبہ خیبر پختونخوا کے ضلع مردان میں پولیس کے مطابق ایک گرجا گھر کے مرکزی دروازے پر ہونے والے دھماکے سے عمارت کو جزوی نقصان پہنچا ہے۔

مردان میں پولیس اہلکار محمد سلطان نے بی بی سی کو بتایا کہ اتوار اور پیر کے درمیانی رات نامعلوم شدت پسندوں نے یادگار چوک میں واقعہ سرحدی چرچ کے مرکزی دروازے میں بارودی مواد نصب کر کے سے دھماکے سے اڑا دیا۔

ان کا کہنا تھا کہ اس دھماکے کے نتیجہ میں چرچ کا بڑا دروازہ مکمل طور پر تباہ ہوگیا جبکہ عمارت کو جزوی نقصان پہنچا۔

انہوں نے کہا کہ دھماکے سے چرچ کے چوکیدار رحمان علی اور پولیس اہلکار فضل ربی زخمی ہوگئے جنہیں سول ہسپتال مردان منتقل کر دیاگیا ہے۔

دھماکے کے بعد پولیس کی بھاری نفری جائے وقوعہ پہنچ گئی اور نامعلوم افراد کے خلاف مقدم درج کر لیا گیا تاہم پیر کی صُبح تک کسی قسم کی گرفتاری عمل میں نہیں آئی۔

چرچ کے بشپ پیٹر مجید نے بی بی سی اردو کے دلاور خان وزیر کو بتایا کہ وہ دھماکے وقت چرچ کے اندر موجود تھے اور دھماکے بعد بڑے دروازے سے دھواں اُٹھنے لگا۔انہوں نے بتایا کہ چرچ کے میں دروازے کے علاوہ چرچ کے عمارت کو بھی نقصان پہنچا ہے۔

پیٹر مجید کے مطابق مرادن میں اس پہلے کئی سکیورٹی فورسز کے علاوہ عام شہریوں پر بھی حملے ہوچکے ہیں لیکن مردان میں ایک چرچ پر حملہ اپنی نوعیت کا یہ پہلا واقعہ ہے۔

خیال رہے کہ رواں ماہ کے آغاز میں مردان میں ایک مبینہ خودکش حملہ آور نے احمدیوں کی عبادت گاہ پر حملے کی کوشش کی تھی جس میں حملہ آور سمیت دو افراد ہلاک ہوگئے تھے۔
بی بی سی اردو

__________________

اور اس نے میرے ساغر میں
مئے سرخ انڈیلی ۔۔۔ تو کہا
مت سوچو !