مرکزی داخلہ پالیسی کو جاری رکھا جائے، پرنسپلزکمیٹی



کراچی (اسٹاف رپورٹر) کراچی کے کالج پرنسپلزکی ایکشن کمیٹی کا اجلاس گورنمنٹ کالج بوائز ناظم آباد میں منعقد ہوا جس میں ڈی جے، آدمجی، کراچی کالج پرنسپلز کی بڑی تعداد نے شرکت کی۔ اجلاس میں مرکزی داخلہ پالیسی کے خاتمے کے نتیجے میں پیش آنے والے مسائل پر غور کیا گیا اور محسوس کیا گیا کہ پالیسی سے 90 فیصد کالجز کا ماحول اور نتیجہ بہت بہتر ہوگیا تھا۔ اب اس کے خاتمہ کی صورت میں پرامن ماحول ایک مرتبہ پھر خراب ہوجائے گا اور ماضی کی طرح کالجز لسانی گروہوں اور طلبہ تنظیموں میں بٹ جائیں گے۔ اجلاس میں وزیر اور سیکریٹری تعلیم سے اپیل کی گئی کہ مرکزی داخلہ پالیسی کو اس میں موجود خامیوں کو دور کرنے کے بعد جاری رکھا جائے تو بہتر ہوگا۔