وزارت داخلہ نے گزشتہ روز مزید ایک سو سے زائد افراد کے نام ایگزٹ کنٹرول لسٹ میں شامل کرکے ان کے بیرون ملک جانے پر پابندی عائد کردی ہے۔ جن افراد کے نام ای سی ایل میں شامل کئے گئے ان میں پیپلز پارٹی، جماعت اسلامی، مسلم لیگ (ن) کے مرکزی رہنماؤں کے علاوہ سرحد اور بلوچستان سے اپوزیشن سے تعلق رکھنے والے ارکان اسمبلی بھی شامل ہیں۔ وکلا برادری سے تعلق رکھنے والے رہنما بھی بیرون ملک نہیں جا سکیں گے۔ اس بارے میں گزشتہ روز ملک بھر کے بین الاقوامی ایئرپورٹس اور سرحدی چوکیوں پر تعینات امیگریشن حکام کو تحریری احکام جاری کئے گئے ہیں۔ ان احکام کے مطابق جن افراد کے نام ایگزٹ کنٹرول لسٹ میں شامل کئے گئے ان میں راجہ اشفاق سرور، زعیم قادری، چوہدری شیر علی، عابد شیر علی، چوہدری تنویر، رانا ثنا اللہ، صدیق الفاروق، حنیف عباسی، حافظ سلمان بٹ، خواجہ آصف، اعتزاز احسن، محمود خان اچکزئی، امان اللہ زہری، حبیب جالب، عبدالرؤف مینگل، مخدوم جاوید ہاشمی، تہمینہ دولتانہ، امیرالعظیم، منظور لنگو،زبیر شاہ، بشیر زیب بلوچ، حسن مینگل، اختر حسین لنگو، سردار یعقوب ناصر، مولانا عبدالحق ہاشمی، عبدالغفور خان میو، فرید پراچہ، غلام مرتضیٰ، راجہ پرویز اشرف، اسد خان، راجہ شفقت حسین، اظہر حسین ڈار، عبداللہ ورک، رانا عامر اسلم ایڈووکیٹ، چوہدری احمد مختار، قمرالزمان، نوابزادہ غضنفر علی، افضل حسین تارڑ، طارق رائیکہ، طاہر اختر ملک، امتیاز احمد بریر، انعام اللہ نیازی، راجہ نادر پرویز، شیخ محمد اعجاز، شاہ محمود قریشی، یوسف رضا گیلانی، صلاح الدین ڈوگر، پیر شجاعت حسنین قریشی، غلام مصطفی کھر، سردار عبدالقیوم خان جتوئی، حامد خان، عاصمہ جہانگیر، ہارون رشید، چوہدری اکرم، سید ذوالفقار بخاری، احسن بھون، چوہدری محمد اقبال، افضل فاروق، اظہر لنگاہ شامل ہیں۔

__________________