مستحق طلبہ کےلئے 179.995 ملین روپے کے بلا سود قرضوں کی منظوری دیدی گئی
کراچی ………اسٹوڈنٹس لون اسکیم (LS) کی انتظامی نمائندہ کمیٹی کا اجلاس کراچی میں اسٹیٹ بینک آف پاکستان کے ڈپٹی گورنر، منصور الرحمن خان کی صدارت میں منعقد ہوا۔ کمیٹی نے 1713 مستحق طلبہ کےلئے 179.995 ملین روپے کے بلا سود قرضوں کی منظوری دی۔ یہ طلبہ 2007-2008 کے سیشن کے دوران سائنس، ٹیکنیکل اور پروفیشنل ایجوکیشن کے شعبوں میں پاکستان کے اندر گریجویشن، ماسٹرز اور پی ایچ ڈی کی تعلیم حاصل کررہے ہیں۔اسٹوڈنٹس لون اسکیم حکومت پاکستان نے بڑے کمرشل بینکوں (نیشنل بینک، حبیب بینک، یونائیٹڈ بینک، ایم سی بی بینک اور الائیڈ بینک) کے اشتراک سے 2001-2002 میں شروع کی تھی۔ اس اسکیم کے تحت ایسے ذہین طلبہ کو بلا سود قرضوں کی فراہمی کے ذریعے مالی معاونت فراہم کی جاتی ہے جنہیں سائنس، ٹیکنیکل، اور پروفیشنل ایجوکیشن کے حصول میں مالی مشکلات کا سامنا ہوتا ہے۔
٭٭٭٭٭٭٭٭٭٭٭٭٭