مستونگ: بیکری پردستی بم کا حملہ، دو افراد زخمی بلوچستان کے شہر مستونگ میں دستی بم کے حملے میں دو افراد زخمی ہوگئے ۔پولیس کے مطابق نا معلوم افرا دنے کوئٹہ روڈ پر واقع بیکری پر صبح دستی بم پھینکا اورفرار ہوگئے ۔دستی بم پھٹنے سے زور دار دھماکہ ہوا اور بیکری میں موجود حاجی نذیر اور ان کا ملازم زخمی ہوگئے ۔زخمیوں کو مقامی اسپتال روانہ کردیا گیا۔پولیس نے نامعلوم افرا دکے خلاف مقدمہ درج کر کے تفتیش شروع کردی ہے۔