مستونگ میں بارودی سرنگ دھماکے سے کیسکو کا اہلکار ہلاک ، 3 زخمی
مستونگ۔۔۔۔۔۔۔۔۔۔۔ مستونگ میں بارودی سرنگ دھماکہ سے کیسکو کا ایک اہلکار ہلاک اور تین زخمی ہوگئے۔ اطلاعات کے مطابق مستونگ کے علاقے پشکرم میں گزشتہ روز نامعلوم تخریب کاروں نے بجلی کے ایک ٹاور کو تباہ کردیا تھا پیر کے روز واپڈا کیسکو کے اہلکارٹاور کی مرمت کررہے تھے کہ اس دوران ان میں سے ایک اہلکار کا پائوں نامعلوم تخریب کاروں کی جانب سے بچھائی جانے والی بارودی سرنگ پر آگیا جس کے نتیجے میں زور دار دھماکہ ہوا دھماکہ سے کیسکو ایک اہلکار محمد اصغر ہلاک جبکہ تین زخمی ہوگئے جنہیں فوری طور پر ہسپتال پہنچایا گیا ۔واقعہ کے بعد پولیس اور کیسکو حکام موقع پر پہنچ گئے اور واقعہ کی تحقیقات شروع کردیں۔واضح رہے کہ مستونگ میں اس سے قبل کیسکو کے اہلکاروں کو بارودی سرنگ اور دھماکوں کے ذریعے نشانہ بنایا گیا ہے جس کے باعث اہلکاروں میں زبردست خوف و ہراس پایا جاتاہے پیر کے روز ہونے والے واقعہ کے بعد کیسکوکے اہلکاروں نے ٹاورز کی مرمت کا کام کرنے سے انکار کردیا ہے۔
٭٭٭٭٭٭٭٭