مسلح افواج کا پس منظر رکھنے والے سفیروں کو کنٹریکٹ ختم ہونے تک برقرار رکھنے کا فیصلہ
اسلام آباد(صالح ظافر)حکومت رسمی طورپر حسین حقانی کو میجر جنرل محمود علی درانی کی جگہ امریکا کیلئے پاکستان کا سفیر نامزد کر دیا ہے جبکہ محمود علی درانی کو قومی سلامتی پر وزیر اعظم کا مشیر مقرر کرنے کیلئے چن لئے گئے ہیں۔پندر ہ برس کے وقفے کے بعد یہ قومی سلامتی کے مشیر کا عہدہ دوبارہ تخلیق کیا گیا ہے پاکستان نے واشنگٹن میں حسین حقانی کی تقرری کیلئے امریکا کی رضامندی کا خواہاں ہے اور اس مقصد کیلئے امریکی حکومت کو سفارتی چینلز سے باقاعدہ درخواست بھجوا دی گئی ہے۔اعلیٰ سفارتی ذرائع نے دی نیوز کو بتایا ہے کہ حکومت نے کنتریکٹ کی بنیادوں پر ایسے ہائی کمشنرز اور سفیر برقرار رکھنے کا فیصلہ کیا ہے جو مسلح افواج کا پس منظر رکھتے ہیں ، ایسے افسران کو پنا موجودہ کنٹریکٹ کا عرصہ پورا کرنے دیا جائیگااور انہیں توسیع دینے کے حوالے سے طے کیا گیا ہے کہ اس کے بارے میں فیصلہ ان افسران کے سمجھوتے کی مدت پورا ہونے ر کیا جائیگا۔ ذرائع کے مطابق نان سروس سفیروں اور ہائی کمشنرز کی قسمت کافیصلہ ضابطے کی کارروائیوں کے بعد کیا جائیگا۔توقع کی جارہی ہے کہ حسین حقانی کے بارے میں سمجھوتہ پروسیسنگ کے دوران6 ہفتے لے گا اور جون سے پہلے ان کے عہدہ سنبھالنے کا کوئی امکان نہیں ہے۔ ذرائع کے مطابق جنرل درانی کے کنٹریکٹ کا دورانیہ اسی وقت ختم ہوگا۔ حسین حقانی نواز شریف کے پہلے دور میں ہائی کمشنر رہے ہیں اور اس سے قبل وہ وزیر اعظم کے خصوصی اسسٹنٹ تھے۔ انہوں نے امریکا میں 10 برس گزارے او ر اس دوران وہ اس ملک کی اعلیٰ قیادت کے ساتھ رابطے استوار کرلئے ،حقانی کو گزشتہ ماہ موجودہ حکومت نے عمومی سفیر مقرر کیا تھا ، ذرائع کے مطابق انہیں اپنے نئے کام کیلئے بھر پور بریفنگز دی جارہی ہیں۔

__________________