لاہور(خبر نگار) وزیر اعظم سید یوسف رضا گیلانی نے کہا ہے کہ طاقتور حکومت کو جلسوں اور ریلیوں کے ذریعے طاقت اور مسلز دکھانے کی ضرورت نہیں ہے۔ ایجنسیاں ہمارے ساتھ ہیں جن کو صدر اور وزیر اعظم پسند نہیں وہ آئینی راستہ اختیار کریں۔ انتہا پسند اور دہشت گرد ہماری پہچان اور کلچر ختم کرنا چاہتے ہیں۔ نوجوان ملک کو بحران سے نکالنے کیلئے کردار ادا کریں۔ وزیر اعظم گزشتہ روز ایچی سن کالج کی 125 ویں سالگرہ کے موقع پر ایک بڑی تقریب سے خطاب اور میڈیاسے گفتگو کر رہے تھے۔ انہوں نے کہا کہ دہشت گرد اور انتہا پسند ہمارا کلچر چھیننے کی کوشش کر رہے ہیں لیکن ہم کو اعلیٰ تعلیم یافتہ نوجوان پیدا کر کے ان کے عزائم خاک میں ملانے ہوں گے۔ انہوں نے کہا کہ تعلیمی اداروں نے انتہا پسندی اور دہشت گردی کے حوالے سے طلبا و طالبات کو شعور نہیں دیا اس لئے جوانوں سے کہتا ہوں کہ وہ آگے بڑھیں اور بحران کا مقابلہ کریں۔ وزیر اعظم نے کہا کہ انہوں نے ملک میں انفارمیشن ٹیکنالوجی کا ایک ویژن دیا ہے جس کے تحت ملک بھر کے تمام تعلیمی اداروں میں آئی ٹی کے حوالے سے پروموشن کی جائے گی۔ متعلقہ وزارت کو بھی ہدایت کر دی ہے کہ وہ میرے ویژن کو اجاگر کرنے کیلئے دن رات کام کریں۔ وزیر اعظم نے ایچی سن کالج میں انفارمیشن ٹیکنالوجی کیلئے انہیں 3 کروڑ روپے کی گرانٹ دینے کا بھی اعلان کیا

__________________
اے ایمان والو اللّٰہ سے ڈرو اور اسکی طرف وسیلہ ڈھونڈو (جس کی بدولت تمہیں اس کا قُرب حاصل ہو ) اور اس کی راہ میں جہاد کرو اس امید پر کہ فلاح پاؤ (المائدہ 35)