07 دسمبر 2010
اسلام آباد ( مانیٹرنگ ڈیسک ) سابق صدر جنرل (ر ) پرویز مشرف کی آل پاکستان مسلم نے ن لیگ خلا ف قانونی جنگ کا آغاز کردیا ہے اور پنجاب ہاؤس اسلام آباد کو سیاسی مقاصد کیلئے استعمال کرنے پر مسلم لیگ ن کی قیادت کوقانونی نوٹس بھجوادیاہے۔ پارٹی کے ترجمان فواد چوہدری نے اپنے ایک بیان میں کہاہے کہ لیگل نوٹسز وزیر اعلیٰ پنجاب ،چیف سیکرٹری اور سیکرٹری برائے وزیراعلیٰ کوجاری کئے گئے ہیں، جن میں کہاگیاہے کہ نواز شریف سے سات دن میں پنجاب ہاؤس خالی کرایا جائے اوراسے اب تک استعمال کرنے پراخراجات بھی وصول کئے جائیں۔ ترجمان کاکہناہے کہ پنجاب ہاؤس ٹیکس کے پیسوں سے تعمیرکیاگیالیکن نواز شریف نے اسے پارٹی کا سینٹرل سیکرٹریٹ بنا دیا، وہ سرکاری حیثیت رکھے بغیرسرکاری مراعات لے رہے ہیں ، جو قانون کی سنگین خلاف ورزی ہے۔

__________________
جاویداسد