واہ بھئی واہ

اسلام آباد (خبرایجنسیاں/ ٹی وی رپورٹ) وزیراعظم سید یوسف رضا گیلانی نے کہا ہے کہ سابق صدر جنرل پرویز مشرف کا ساتھ دینے والے نہ صرف حکومت میں شامل ہیں بلکہ وہ مسلم لیگ(ن) میں بھی موجود ہیں‘اگر پرویز مشرف کو سزا دی گئی تو صدر زرداری انہیں معاف کرسکتے ہیں‘ آرٹیکل6کے تحت صرف ایک شخص ذمے دار نہیں ہوتا، فیصلوں پر عمل درآمد کرانے والے بھی ذمے دار ہوتے ہیں، اس لیے مشرف کے خلاف آرٹیکل6کے تحت کارروائی نہیں ہوسکتی،ملک میں اس وقت درمیانی مدت کے انتخابات تو دور ضمنی انتخابات کا انعقاد بھی مشکل ہی،دہشتگردی کے خلاف حکومت کی بھرپور توجہ کے باعث دیگر شعبہ جات نظر انداز ہوئے تاہم اس کے باوجود حکومت آخری دہشتگرد کے خاتمے تک جنگ جاری رکھے گی،بینظیر بھٹو کی شہادت کی انکوائری بینظیر بھٹو کی خواہش کے مطابق اقوام متحدہ سے کروائی جارہی ہی،سابق وزیراعظم لیاقت علی خان،شاہنواز بھٹو،مرتضیٰ بھٹو اور ذوالفقار علی بھٹو کی شہادتوں کے حوالے سے بھی تحقیقات کروانی پڑی تو پارلیمنٹ کے ذریعے کروائیں گے۔ان خیالات کا اظہار انہوں نے وزیراعظم ہا¶س میں صحافیوں کے اعزاز میں دیے گئے افطار ڈنر سے خطاب اور صحافیوں کے سوالات کا جواب دیتے ہوئے کیا،وزیراعظم نے کہا کہ سابق صدر پرویزمشرف کی ڈیل کے حوالے سے ایوان صدر وضاحت کر چکا ہے ،پارلیمنٹ نے سابق صدر کے کسی اقدام کی تائید نہیں کی،صدر مملکت کسی شخص کی صرف سزا معاف کرسکتے ہیں،انہوں نے کہا کہ آرٹیکل6کے تحت صرف آئین توڑنے والے کے خلاف کارروائی نہیں ہوتی بلکہ اس کی معاونت کرنے والے اور اس کے دیگر شریک بھی اس کی زد میں آتے ہیں،مشرف کا ساتھ دینے والے اس وقت نہ صرف حکومت میں موجود ہیں بلکہ وہ مسلم لیگ(ن) میں بھی شامل ہیں،ان حالات میں پرویزمشرف کے خلاف آرٹیکل6کے تحت کارروائی ممکن نہیں،وہ بات کی جائے جوقابل عمل ہو۔انہوں نے کہا کہ ملک موجودہ حالات میں درمیانی مدت کے انتخابات کا ہرگز متحمل نہیں ہوسکتا ان حالات میں تو ضمنی انتخابات کا انعقاد ہی ایک مشکل مرحلہ ہی،انہوں نے کہا کہ ان خبروں میں بھی کوئی صداقت نہیں کہ میرے کسی وزیرکے ساتھ اختلافات ہیں پوری کابینہ تمام اہم امور پر ایک ہی،بے نظیر بھٹو کی شہادت کی انکوائری اقوام متحدہ سے کروانے کے حوالے سے سوال کا جواب دیتے ہوئے وزیراعظم نے کہا کہ یہ تحقیقات بینظیر بھٹو کی اپنی خواہش کے مطابق کروائی جارہی ہے جب کراچی میں بینظیر بھٹو پر قاتلانہ حملہ ہوا تھا تو اس کے بعد بینظیر نے کہا تھا کہ اگر انہیں کچھ ہو جائے تو اس کی تحقیقات اقوام متحدہ سے کروائی جائی،انہوں نے کہا کہ سابق وزیراعظم لیاقت علی خان،شاہنواز بھٹو،مرتضیٰ بھٹو اور ذوالفقار علی بھٹو کی شہادتوں پر بھی بہت سے خدشات موجود ہیں،اگر ضرورت پڑی تو پارلیمنٹ کی منظوری سے ان کی تحقیقات کروائی جاسکتی ہی،وزیراعظم نے مزید کہا کہ جب تک ملک میں سیاسی استحکام پیدا نہیں ہوجاتا اس وقت تک معاشی استحکام بھی ممکن نہیں ہے میں اس مقصد کیلئے تمام سیاسی قوتوں سے مشاورت ومفاہمت کر رہا ہوں،بلوچستان کے حوالے سے پارلیمانی کمیٹی کی سفارشات پر مشاورتی عمل جاری ہے جب یہ مکمل ہو جائے گا تو پارلیمنٹ کا مشترکہ اجلاس بلا کر اس پر بحث کروائی جائے گی،ہم نے ہمیشہ ڈرون حملوں کی مذمت کی ہے اور امریکا سے نظرثانی کا مطالبہ کرتے ہوئے کہا کہ وہ ہمیں یہ ٹیکنالوجی دے کیونکہ پاکستان کے اندر کارروائی ہمارا اختیار ہی،مسلم لیگ(ن) کی جانب سی12اکتوبر کو یوم سیاہ منانے کے حوالے سے سوال کے جواب میں وزیراعظم نے کہا کہ ہم نے ہمیشہ آمریت کی نہ صرف مخالفت کی ہے بلکہ اس کے خلاف جدوجہد بھی کی ہے اگر مسلم لیگ(ن) یوم سیاہ منائے گی تو ہم اس کا بھرپور ساتھ دیں گی،سرکاری افسران کی ترقیوں کے حوالے سے سوال کا جواب دیتے ہوئے وزیراعظم نے کہا کہ میں نے قانون کے مطابق سینٹرل سلیکشن بورڈ کی لسٹ منظور کی ہے تمام 50کی50ترقیاتی قانون کے مطابق ہوئیں،گریڈ22میں ترقی کا انحصار کارکردگی پر ہے اور یہ دینا بھی وزیراعظم کا اختیار ہوتا ہی،قبل ازیں اپنے خطاب میں وزیراعظم نے کہا کہ یہ ایک عام تاثر ہے کہ میڈیا اور حکومت ایک دوسرے کے حریف ہوتے ہیں کیونکہ میڈیا حکومت کی خامیوں اور کوتاہیوں کی نشاندہی کرتے ہوئے اس پر تنقید کرتا ہے۔ صحافتی اور سیاسی اقدار کا تقاضا ہے کہ میڈیا اپنا یہ فرض ضرور ادا کرے لیکن اس کے ساتھ وہ حکومت کے اچھے کاموں کی حوصلہ افزائی بھی کرے۔میڈیا سے وابستہ افراد سے بہتر بھلا کون جانتا ہے کہ ہماری حکومت نے ڈیڑھ برس کے مختصر عرصہ میں میڈیا کی آزادی، فروغ اور ترقی کے لیے اپنے محدود وسائل میں رہتے ہوئے خاطر خواہ پیشرفت کی ہے۔ میڈیا حکومت پر جس آزادی سے تنقید کر رہا ہی، چند برس پہلے اس کا تصور بھی نہیں کیا جا سکتا تھا۔ البتہ میں یہاں یہ نشاندہی ضرور کروں گا کہ میڈیا کو تنقید کرتے وقت ملک و قوم کے مفادات عوام کے جذبات، صحافت کی روایات اور مروجہ اخلاقی معیار کے تقاضوں کا احساس کرنا چاہیے۔ انہوں نے کہا کہ لوڈشیڈنگ نے عوام کی روزمرہ زندگی پر گہرے اثرات مرتب کیے ہیں اور اِس سے صنعتی ترقی کی رفتار بھی متاثر ہوئی ہے چنانچہ ہم نے بجلی کی لوڈشیڈنگ کے خاتمہ کا پختہ عزم کر رکھا ہے۔



روزنامہ جسارت 17/9/2009