لاہو ر+کوئٹہ…وفاقی وزیر قانون کی طرف سے حلف نہ اٹھانے والے معزول ججز کی ریٹائرمنٹ کے اعلان کے خلاف آج لاہو ر اور کوئٹہ میں وکلا نے ماتحت عدالتوں کا بائیکاٹ کیا ، اورعدالتوں میں پیش نہیں ہوئے۔وفاقی وزیر قانون فاروق ایچ نائیک نے اپنے ایک بیان میں کہا تھاکہ جن معزول ججز نے حلف نہیں لیا وہ ریٹائرہو گئے ہے جس پرپنجاب بار کونسل نے صوبہ بھرمیں عدالتی کارروائی کا مکمل بائیکاٹ کرنے کا اعلان کیا تھا ۔آج لاہور ڈسٹرکٹ کورٹس میں وکلا نے عدالتی بائیکاٹ کیا جس کی جہ سے کسی عدالت میں کام نہ ہو سکا ۔لاہو ر بار کے صدر منظور قادر کا کہنا تھا کہ 30 اکتوبر کو 100 تالے ایوان عدل میں ڈسپلے کے لئے رکھے جائیں گے اور 4 نومبر کو عدالتوں کی تالا بندی کی جائے گی ۔وکلا کے بائیکاٹ کی وجہ سے پاکستان کرکٹ ٹیم کے سابق کپتان سلیم ملک پر تاحیات پابندی کے خلاف دائر کیس کی سماعت بھی نہ ہو سکی ۔
ادھر بلوچستان بھر میں‌بھی عدالتوں کا بائیکاٹ‌کیا گیا ۔ کوئٹہ میں بلوچستان ہائیکورٹ‌سمیت تمام ماتحت عدالتوں میں‌کوئی بھی وکیل پیش نہیں ہوا جس کے باعث پیشی پر آنے والوں کو مشکلات کا سامنا کرنا پڑا