معزول ججوں کی بحالی پر اختلافا ت کل رہنما اجلاس میں ختم ہونے کا امکان
اسلام آباد ( رپورٹ / محمد احمد نورانی ) حکمران اتحادی جماعتوں کے مابین معزول ججوں کی بحالی کے معاملے پر اختلافات کی قیاس آرائیاں توقع ہے کہ کل منگل کو اس وقت ختم ہو جائیں گی جب ان کے رہنما اسلام آباد میں ملاقات کریں گے۔ دونوں جماعتوں کے کچھ رہنماؤں کے ماضی قریب میں بیانات سے ججوں کی بحالی کے معاملے پر اختلافات کا اشارہ ملتا تھا تاہم پیپلز پارٹی اور ن لیگ کی اعلی قیادت نے کہاہے کہ وہ اعلان مری کے مطابق تین نومبر سے قبل کی عدلیہ کی بحالی کیلئے اپنے عزم پر قائم ہیں۔ سیاسی تجزیہ نگاروں کا خیال ہے کہ ججوں کی بحالی کے عزم سے پیچھے ہٹنا کسی کیلئے بھی انتہائی مشکل ہوگا۔ پیچھے ہٹنے سے عوامی حمایت ختم ہو جائے گی اور ملک بحران کا شکار ہو جائے گا۔

__________________