dxbgraphics

جناب پہلے تو ڈرون حملوں میں بے گناہ معصوم بچوں کے قتل کا حساب دے۔
پھر افغانستان میں بے گناہ بچوں کے قتل کا حساب دیں۔

__________________

مرزا عامر

عراق کو شاید آپ بھول ہی گئے ۔ اس کے علاوہ افریقی ممالک ویت نام اور جاپان علیحدہ ہیں

dxbgraphics

عراق میں دس لاکھ سے زیادہ قتل عام۔ افغانستان میں لاکھوں کا قتل عام۔ پاکستان میں ڈرون حملوں میں ہزاروں کا قتل عام۔
منافق امریکہ
عنقریب بائبل کی پیش گوئی کے مطابق پانچ چھ حصوں میں ٹوٹنے والا ہے

Fawad

کچھ راۓ دہندگان کے ليے يہ بہت سہل ہے کہ وہ پاکستان کی فوج کی کاروائيوں اور امريکہ سميت علاقائ شراکت داروں کی جانب سے مہيا کردہ سپورٹ اور امداد کے حوالے سے شديد تنقید بھی کرتے ہيں اور اپنے يک طرفہ جذبات کا اظہار بھی کرتے ہیں۔ ليکن اس سے پہلے کہ آپ پاکستانی ميڈيا کے کچھ عناصر کی جانب سے مبہم کہانيوں اور ہر پہلو سے خود کو درست سمجھنے کی سوچ پر مبنی پروپيگنڈے کی بنياد پر امريکہ کو فوجی آپريشنز شروع کرنے کے حوالے سے مورد الزام قرار ديں – کچھ سوچ اور فکر ان ہلاک ہونے والے جوانوں اور ان کے خاندانوں پر بھی مرکوز کريں جو مردان ميں ہونے والے حاليہ خودکش حملے ميں اپنی جان سے ہاتھ دھو بيٹھے۔ فوجيوں کے تربيتی مرکز ميں جو نوجوان ہلاک ہوۓ وہ اپنے وطن کی خدمت کے جذبے سے سرشار تھے اور پاکستان کے معصوم لوگوں کی جان بچانے کی سوچ رکھتے تھے۔ ميں آپ کو ياد دلا دوں کہ سال 2006 ميں اسی مرکز پر ايک خودکش حملہ کيا گيا تھا جس کے نتيجے ميں کئ پاکستانی فوجی ہلاک ہوۓ تھے۔ ان افراد کے ليے بھی کوئ انصاف ہونا چاہیے جن کی زندگياں دانستہ اور انتہائ بے رحم طريقے سے ختم کی گئ اور اس کے ذمہ دار وہی مجرم ہيں جو ہمارے مشترکہ دشمن اور ہماری مشترکہ کاوشوں کے اصل اہداف ہيں۔

ميں نے کبھی يہ دعوی نہيں کيا کہ دہشت گردی کے خاتمے کے ليے کی جانے والی کوششوں کے ضمن میں کبھی کسی بے گناہ معصوم شہری کی جان نہیں گئ۔ بدقسمتی سے کسی بھی فوجی کاروائ کے نتيجے ميں اس تلخ حقيقت سے انکار ممکن نہيں ہے۔ ليکن اس کے ساتھ يہ نہيں بھولنا چاہیے کہ اب تک 3000 سے زائد پاکستانی فوجی اور ہزاروں کی تعداد ميں امريکی اور نيٹو افواج کے فوجی بھی اس خطے سے دہشت گردی کے عفريت کے خاتمے اور بے گناہ انسانوں کی حفاظت کے ضمن ميں کی جانے والی کوششوں ميں اپنی جانوں کا نذرانہ دے چکے ہیں۔ يہ بھی ايک حقيقت ہے کہ امريکی اور نيٹو افواج کے کئ فوجی فرينڈلی فائر کے واقعات کے نتيجے ميں بھی ہلاک ہوۓ ہيں۔ ليکن يہ واقعات اور جانی نقصانات ہميں اپنے مشترکہ مقصد کے حصول کے جذبے سے متزلزل نہیں کر سکتے۔

جب آپ ان واقعات کے حوالے سے شديد جذبات کا اظہار کرتے ہيں اور انسانی جانوں کے ضياع کا ذکر کرتے ہيں تو يہ مت بھوليں کہ يہ القائدہ کا واضح کردہ ايجنڈہ ہے کہ اپنے اثر ورسوخ ميں اضافے کے لیے دانستہ زيادہ سے زيادہ بے گناہ شہريوں کو ہلاک کيا جاۓ۔ اردو کی ايک کہاوت ہے کہ تالی دونوں ہاتھوں سے بجتی ہے۔ حقائق کے جانب دار اور متوازن تجزيے کے ليے آپ صرف مخصوص واقعات کا انتخاب کر کے پورے تنازعے کے حوالے سے يہ حتمی راۓ قائم نہيں کر سکتے ہيں کہ امن کو تباہ کرنے اور بے گناہ شہريوں کی ہلاکت کا اصل ذمہ دار کون ہے۔

سوات ميں ناکام ہونے والا 2008 کا امن معاہدہ اور اس کے بعد دہشت گردوں کی جانب سے کيے جانے والے مطالبات سے سب پر يہ حقيقت واضح ہے کہ معاشرے ميں اس پرتشدد سوچ کو روکنے کے ليے قوت کا استعمال ہی آخری آپشن ہے۔

بدقسمتی سے اس راستے ميں بے گناہ انسانوں کی جانوں کے ضياع کا خدشہ ايک حقيقت ہے۔ ليکن اس ضمن ميں ذمہ داری ان دہشت گردوں پر عائد ہوتی ہے جو انسانوں کو ڈھال کے طور پر استعمال کرتے ہیں، دانستہ انسانی آباديوں ميں روپوش ہوتے ہيں اور اپنے مکروہ مقاصد کی تکميل کے ليے بے گناہ انسانوں کو قتل کرنے ميں کسی تردد کا مظاہرہ نہیں کرتے۔ ان کے خلاف کاروائ نا کرنے کی صورت ميں ايک ايسے معاشرے کی تشکيل کی راہ ہموار ہو جاۓ گی جہاں مردان ميں ہونے والے خودکش حملے جيسے واقعات جائز اور قانون کے عين مطابق قرار ديے جائيں گے کيونکہ خوف کے ذريعے عوام کی اکثريت پر اجارہ داری قائم کرنا ہی ان دہشت گردوں کا نصب العين ہے۔

فواد – ڈيجيٹل آؤٹ ريچ ٹيم – يو ايس اسٹيٹ ڈيپارٹمينٹ
digitaloutreach@state.gov
U.S. Department of State
USUrduDigitalOutreach | Facebook

حیدر

آپکا بہت شکریہ فواد بھائی کہ آپ نے چند اہم نقاط اُٹھائے۔
ہم بے گناہ جانوں کے قتل کی کبھی بھی حمایت نہیں کرتے اور انکی شدید ترین مذمت کرتے ہیں خواہ وہ واقعہ امریکہ میں کسی غیر مسلم کی جان کے ساتھ پیش آئے یا پاکستان میں کسی قبائلی کے ساتھ۔

بد قسمتی سے یہاں تک ہی ہمارا اتفاق ہو پاتا ہے۔ اُس سے آگے کی کہانی کُچھ اور ہے اور حقیقت کُچھ اور۔ القائدہ ہو یا ٹی ٹی پی انکے ہر واقعہ کی نہ صرف مذمت بھی کی جاتی ہے بلکہ انکا فوجی سد باب کرنے کی بھی ہر ممکن کوشش کی جاتی ہے نہ صرف ناٹو افواج کی طرف سے بلکہ اُن سے بڑھ کر پاکستان کی طرف سے ۔

لیکن جو بے گناہ ہلاکتیں پاکستان میں امریکہ کے ڈرون اٹیکس کے نتیجے میں ہوتی ہیں ۔ اُن پر اپکی کیا رائے ہے؟ کیا سٹیٹ ڈپارٹمنٹ انکی مذمت کرتا ہے؟ کیا سٹیٹ ڈپارٹمنٹ نے یا پینٹا گان نے متعلقہ اداروں کو کوئی ہدایت جاری کی ہے کہ فائر کرتے ہوئے انتہائی احتیاط سے کام لیا جائے؟اور معصوم جانوں پر حملوں سے اجتناب کیا جائے؟ آپ کے اس پیرا گراف سے (بد قسمتی سے )مجھے ایسا محسوس ہوا کہ آپ القائدہ کی پروپیگندہ وار کا مقابلہ کرنے کے لیے ہر حد کو کراس کرنے کے حامی ہیں۔تو کیا (خدا نخواستہ)اگر امریکہ میں بھی ایسے دہشت گرد عناصر پائے گئے عوام میں تو امریکہ انکے خلاف بھی ایسے ہی ڈرون اٹیکس کرے گا کہ جس میں درجنوں معصوم و بے گناہ انسانی جانوں کے بیچ محض ایک "ملزم" ہو؟
میں یہ بھی جاننا چاہوں گا کہ امریکی فوجی کاروائیوں کے نتیجے میں اب تک جو ہزاروں بے گناہ پاکستانی شہری شہید ہو چُکے ہیں ، انکو compensationدینے کے لیے امریکہ نے کیا اقدامات کیے ہیں؟کیا آپ نے سمجھتے کہ جب کسی گھرانے کا بڑا چشم و چراغ آپکے ڈرون حملے میں شہید ہو گا تو اسکے چھوٹے بھائی نئے خود کُش حملہ نہیں بن جائیں گے؟ اس چیز کے سد باب کے لیے امریکہ نے کیا اقدامات کیے ہیں کہ پاکستان کو نئے خود کُش حملہ آوروں کی کھیپ کا سامنا نہ کرنا پڑ جائے؟

ایکسٹو

کیا بائبل سچی ہے جو اس کی پیش گوئی ضرور پوری ہو گی؟

مرزا عامر

جہاں تک بات پاکستانی فوجیوں کی ہے تو بات سمجھ لیتے ہیں درست ہے ۔ لیکن یہ نیٹو افواج اور جان کا نذرانہ`؟؟؟
منہ اور پہلو پر ضربیں لگا کر فرشتوں نے جان نکالی ہوگی اور بالوں سے پکڑ کر اوندھے منہ بروز قیامت جہنم میں دھکیلا جائے گا ۔ لو چکھو اب مزہ اس آگ کا جو معصوموں کا خون بہا کر خود بھڑکائی تھی

__________________

میں اک دن لَوٹ کے آوں گا

فیصل ناصر

سکرپٹ اس مرتبہ فاسٹ دکھائی دیتا ہے
فواد ڈیجیٹل کا خود ایک بحث کو چھیڑنا معنی خیز ہے

مرزا عامر

ممکن اس کی یہ وجہ ہو کہ امریکہ کے راز اب فاش ہو رہے ہیں اور ہر گھر اور محلے میں اب لوگوں کی توجہ کا مرکز امریکہ کی کارستانیاں ہیں۔

فیصل ناصر

پاکستان کی عوام یقین رکھتی ہے کے یہ تمام رچمنڈ ڈیوس جیسے امریکیوں کے کام ہیں
جو ہزاروں کی تعداد میں پاکستان میں موجود ہیں

__________________
(اے پروردگار) ہم تیری ہی عبادت کرتے ہیں اور تجھ ہی سے مدد مانگتے ہیں

Fawad

باوجود اس کے کہ وہ دہشت گرد جو ملک کے طول و عرض ميں کئ بےگناہ انسانوں کو قتل کر کے برملا اپنے جرائم کا اعتراف کر رہے ہيں اور خود کو پوشيدہ رکھنے کی کوشش بھی نہيں کر رہے، اب بھی ايسی سوچ رکھنے والے موجود ہيں جو ان واضح اعترافی بيانات کو رد کر کے بے بنياد سازشی کہانيوں پر يقين رکھنے پر بضد ہيں۔

اگر امریکہ کا خفيہ ايجنڈہ پاکستان کو غير مستحکم کرنا ہے تو ہم امدادی پيکج، تعميری منصوبوں، تکنيکی، لاجسٹک اور افرادی وسائل ميں شراکت داری کے ذريعے فوج سميت پاکستان کے تمام اہم اداروں کو مضبوط کرنے اور ان کے استحکام کے ليے عملی اقدامات کيوں اٹھا رہے ہيں۔ چاہے سيلاب سے متاثرين کی بحالی اور آبادکاری کا معاملہ ہو، اقوام متحدہ سميت مختلف عالمی فورمز پر يورپی ممالک کے سامنے پاکستان کے لیے مزيد امداد کی درخواست کا ايشو ہو يا امريکی کانگريس سے کيری لوگر بل کی منظوری جيسا معاملہ جس کے ذريعے اگلے 5 سالوں کے دوران پاکستان کو کئ بلين ڈالرز کی امداد دی جاۓ گی – امريکی حکومت ہر اس عالمی کوشش میں پيش پيش رہی ہے جس کا مقصد پاکستان ميں استحکام لانا اور پاکستان میں قانون نافذ کرنے والے اداروں کی صلاحيتوں ميں اضافہ کرنا ہے۔

ميں يہ بھی واضح کر دوں کہ اسٹريجک نقطہ نظر سے بھی پاکستان ميں پائيدار امن اور استحکام خود امريکہ کے اس خطے ميں مفادات کے ليے لازمی ہے جس ميں دہشت گرد گروہوں کا قلع قمع کرنا، ان کے ٹھکانوں کو تباہ کرنا اور اپنی فوجوں کو واپس بلوا کر اس جنگ کا خاتمہ کرنا شامل ہے جس کا تخمينہ کئ بلين ڈالرز ہے۔


فواد – ڈيجيٹل آؤٹ ريچ ٹيم – يو ايس اسٹيٹ ڈيپارٹمينٹ
digitaloutreach@state.gov
U.S. Department of State
USUrduDigitalOutreach - Community | Facebook

محمد عاصم

عالمی دہشت گرد امریکہ، دہشت گرد اسلام نہیں
فواد صاب امریکی دہشت گردوں کی کاروائیاں دیکھو

فیصل ناصر

عاصم بھائی لنک دوبارہ لگائیں

محمد عاصم

اب صحیح ہو گیا ہے بھائی