معلوم نہیں کون لوگ میرے پیچھے پڑے ہیں، دھماکہ بہت بڑا تھا، میں خیریت سے ہوں، فضل الرحمان

چارسدہ:اسلام ٹائمز۔ جمعیت علماء اسلام ف کے رہنما مولانا فضل الرحمان کا کہنا ہے کہ معلوم نہیں کون لوگ میرے پیچھے پڑے ہیں، مجھے کوئی دھمکی نہیں ملی۔ چارسدہ میں ڈی سی او آفس کے قریب دھماکے کے بعد میڈیا سے بات چیت کرتے ہوئے مولانا فضل الرحمان نے کہا کہ دھماکہ بہت بڑا تھا، میں خیریت سے ہوں۔ انہوں نے کہا کہ اکرم درانی، اعظم سواتی سمیت دیگر ساتھی بھی محفوظ ہیں۔ فضل الرحمان نے مزید کہا کہ مجھے کوئی دھمکی نہیں ملی، معلوم نہیں کون لوگ میرے پیچھے پڑے ہوئے ہیں۔ انہوں نے کہا کہ ساتھیوں نے جلسہ گاہ میں جانے سے روک دیا ہے۔ واضح رہے کہ گزشتہ روز صوابی میں بھی مولانا فضل الرحمان کو دہشت گردوں کی جانب سے نشانہ بنایا گیا تھا، جس میں وہ بال بال بچ گئے تھے۔

__________________

اندازِ بیاں گرچہ بہت شوخ نہیں ہے
شاید کہ اتر جائے ترے دل میں مری بات