ارشد کمبوہ

جیو کا مقصد یہی تھا کہ شاید کچھ نیگٹویٹی سامنے آجائے۔
جو بھی عقیدہ فنکار بتائے گا۔ ظاہر ہے مخالف تو ہوں گے ہی۔

__________________
بیاض کمبوہ پڑھنے کے لیے ایڈریس بار میں ٹائپ کریں،
biazekamboh.co.cc

سیپ

السلام علیکم ورحمتہ اللہ و برکاتہ
اس کو کہتے ہیں گڑھے مردے اکھاڑنا ۔ ۔ ۔ ۔ ۔
یہ ان کے اپنے خیالات ہیں یہ کوئی مذہبی اسکالر تو نہیں تھے ناں !
اللہ پاک انہیں جنت الفردوس میں عطا فر مائیں ،
جو لوگ اب ہم میں نہیں ہیں ان پر تنقید نہ کی جائے تو بہتر ہے

__________________

شمشاد احمد

مرحوم پر تنقيد نہيں كي جارہي صرف يہ رائے لي جا رہي تھي كيا ميڈيا كو زيب ديتا ہے‌وہ اس قسم كے سوالات پوچھ كر ايك فنكار كو متنازعہ بنائے۔۔۔۔۔۔۔
موضوع بحث مرحوم نہيں زندہ آزاد اور بے باك ميڈيا ہے؟

آبی ٹوکول

اسلام علیکم شمشاد بھائی !
آپ نے تھریڈ کا جو عنوان رکھا ہے وہ متن سے مناسبت نہیں رکھتا آپکے تھریڈ کہ عنوان کو پڑھ کر قارئین کی توجہ تھریڈ کہ عنوان کی طرف براہ راست مبذول ہوجاتی ہے لہذا ایسے میں بجائے یہ کہ وہ متن پر غور کرکے نفس موضوع پر درست طریق سے تجزیہ کرتے ہوئے نفس مسئلہ کو پاسکے خلط مبحث کا شکار ہوجاتاہے ۔۔۔۔۔ خیر آپکی اس بات سے ایک حد تک متفق ہوں کہ میڈیا میں اس قسم کہ سوالات اس طریق و نہج سے لیجنڈریز فنکاروں سے نہیں کرنے چاہیں کہ جن سے انکی شخصیت کہ متنازعہ بن جانے کا خوف لاحق ہو اس کے برعکس میڈیا پر اس قسم کہ بڑے فنکاروں کی نجی زندگی کا مذہبی پہلو مثبت طریق سے ضرور روشن کیا جانا چاہیے تاکہ انکے چاہنے والے یعنی انکی جو " فین فالونگز " ہوتی ہے ان پر بھی مذہب کہ حوالہ سے مثبت اثرات مرتب ہوں ۔
جہاں تک بات ہے معین اختر مرحوم کی تو وہ بلاشبہ برصغیر پاک و ہند بلکہ دنیا کہ ایک لیجنڈری فنکار تھے اب شاید ہی پاکستان میں انکا کوئی ثانی پیدا ہو ۔
سو انھوں نے جو اپنے مذہبی عقائد بتلائے ایسے عقائد رکھنے میں وہ قطعی حق بجانب تھے ایک سچے مسلمان کے ایسے ہی عقائد ہونا چاہیں اور ان کے عقائد بلاشبہ درست تھے ۔ بات فقط اتنی ہے کہ وہ کوئی عالم دین تو نہیں تھے لہزا جس طریق اور نہج پر انھوں نے اپنے عقائد کو جس طرح سے بیان کیا اس سے کسی حد تک علمی انداز میں اختلاف صرور کیا جاسکتا ہے مگر انھے ایسے عقائد رکھنے پر کسی بھی مخصوص مکتبہ فکر سے نہ تو جوڑا جاسکتا ہے اور نہ ہی انکے ان عقائد کو کسی مخصوص مکتبہ فکر کی توہین قرار دے کر معین اختر مرحوم کو متنازعہ بنایا جاسکتا ہے ۔ ۔ ۔ والسلام

__________________
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔
پیکرِ دلرُبا بن کے‌ آیا ،روحِ ارض و سما بن کے آیا
سب رسولِ خُدا بن کے آئے ،وہ حبیبِ خُدا بن کے آٰیا

شمشاد احمد

جي آپ كي بات درست ہے۔۔۔۔۔۔ اب عنوان بھي آپ ہي كوئي تجويز كر ديں۔۔۔

آبی ٹوکول

مذہبی حوالہ سے "میڈیائی کردار " کی اصل زمہ داری ؟؟؟؟ ۔
کیا یہ درست رہے گا ؟؟؟؟

کنعان

السلام علیکم!

میرے خیال سے سیپ سسٹر نے صاحب مراسل کے حوالہ سے یا کسی کے حوالہ سے نہیں لکھا بلکہ یادداشت کے حوالہ سے آگاہی کی ھے کہ کوئی بھی جو سنے تو منفی رائے نہ دے کہ جس سے دل دکھے اس کے علاوہ کوئی اور مقصد نہیں تھا۔

باقی میں نے ابھی کلپ دیکھا نہیں بعد میں دیکھتے ہیں کہ کیا کہنا ھے۔

والسلام

__________________

کنعان

السلام علیکم!

بہت اچھا انٹرویو تھا، تنقید سے ہٹ ہر پہلے 4 منٹ تک کی جتنی بھی گفتگو تھی اسے سن کر ایسا لگ رہا تھا جیسے پرویز خان بھائی لگ رہے ہیں کیونکہ ان کے مراسلوں میں اکثر ایسی باتیں پڑھنے کو ملتی ہیں باقی اللہ سبحان تعالی سے جیسے بھی مانگو وہ عطا کرتا ھے اس پر کسی بھی مسلمان کو غلط نہیں کہنا چاہئے اور نہ ہی کسی کے ساتھ جوڑنا چاہئے۔

جو اس نے منہ میں کچھ نہ کچھ پڑھنے والی بات کی تو بہت اچھی لگی میں خود بھی اور بہت سے لوگوں کو جاب انٹرویو میں، کسی ٹیسٹ میں، کسی کام کے ہونے کی نیت سے اور ایسے بہت سے موقعوں پر پڑھائی اور دوسرں کو بھی پڑھتے ہوئے اکثر بیشتر دیکھا ھے۔

والسلام

عبدالقدوس

ویسے کیسی بات ہے کے چھوٹتے ہی سہیل وڑائچ نے مذہب سے متعلق سوالات شروع کردیئے

کنعان

السلام علیکم!

اس کے سوالوں میں کوئی وجہ ہو گی کیونکہ اس نے کبھی کسی سے اسطرح مذھبی سوال نہیں کئے اس انٹرویو میں دو باتیں سامنے آئی ہیں۔ ایک مذھبی اور دوسرا اس کی دو شادیاں، جس پر موحوم نے کہا کہ مجھے بھی بتاؤ کہ میری دوسری بیوی کہاں ھے میں اسے ملوں، خیر اب وہ دنیا میں نہیں رہے اللہ ان کی مغفرت فرمائے۔

والسلام

مرزا عامر

یہ ممکن ہے کہ معین اختر نے ان مذہبی سوالات کی خود اجازت دی ہو ۔ جبکہ معین اختر نے سوالات کے جوابات دئے اور میڈیا نے اسے دکھا بھی دیا ۔ تو پھر میڈیا پر تنقید کیسی ۔
معین اختر نے انتہائی مناسب انداز میں سوالات کے جوابات دیئے ۔ یعنی پیری فقیری والے سوالات میں اگر آپنے غور کیا ہو تو انہوں نے اللہ کی واحدانیت کو اولیت دی جبکہ بزرگوں کا احترام کرنے کی بھی تلقین کی ۔ ایسا نہیں کہا کہ یہ پیر بزرگ کچھ نہیں ہیں میں انہیں نہیں مانتا ۔
جہاد کے سوال کا بھی مناس جواب دیا ۔ جب عورتوں کی آزادی کی بات آئی تو اس جواب نے تو میرا دل خوش کر دیا کہ آزادی کا مطلب بے حیائی نہیں ہوتا ۔ عورتوں کو لمٹ دی گئی ہے وہ اس میں رہ کر کام کریں ۔
نہ تو میڈیا نے کو غلط رول پلے کیا ہے اور نہ ہی معین اختر نے کوئی ایسا جواب دیا ہے کہ کوئی مسئلہ کھڑا ہو جائے

__________________

میں اک دن لَوٹ کے آوں گا

محسن بٹ

تمام بحث پر نظر دوڑانے کے بعد میں تو اس نتیجے پر پہنچا ہوں‌ کہ ایسے متنازع موضوع شروع ہی نہیں کرنے چاہئیں۔ جہاں تک یہ کلپ دیکھ کر سمجھ آتا ہے تو میرے خیال میں‌ معین اختر صاحب نے خود ایسے سوالات کرنے کو کہا اور انکے جوابات سے ایک مخصوص مکتبہ فکر کی نمائندگی کی جھلک بھی صاف نظر آرہی ہے۔

شمشاد احمد

ليكن معين اختر جيسے قد كھاٹ ركھنے والے انسان كو ايسا كرنے كي كوئي ضرورت مجھے سمجھ ميں نہيں آتي۔۔۔۔ باقي يہ جو كہا جا رہا ہے‌كہ معين نے ايسے سوالات كرنے كي اجازت خود دي ہو گي۔۔۔۔‌تو يہ جواز بھي مجھے ہضم نہيں ہو رہا كيوں كہ اجازت دينے كے لئے‌پہلے پوچھنا ضروري ہوتا ہے اور چوں كہ ميڈيا والے باہم ايك دوسرے كي نجي زندگي كے حوالے سے كسي قدر واقف ہوتے ہيں۔۔‌اور معين اختر كے بارے‌ميں يہ عام بات مشہور تھي كہ كافي مذہبي انسان ہيں۔۔۔ اس لئے مذہب كے حوالے سے سہيل وڑائج نے سوال كرنے سے‌قبل عين ممكن ہے پوچھا ہو۔۔۔ اور معين اختر نے ازراہ مروت ہاں كر دي ہو۔۔۔۔۔۔ ليكن ميرا سوال سوال يہ نہيں‌كہ انھوں نے اجازت دي يا نہيں سوال يہ ہے كہ كيا كئي بھي سوال كسي بھي شخص سے‌كيا جانا ضروري ہے۔۔۔؟
مثلا عبد الستار ايدھي كا ميدان انسانيت كي خدمت ہے۔۔۔۔۔۔۔۔۔۔۔۔ اب اگر ان سے‌كوئي يہ سوال پوچھے كہ
آپ نماز ميں ہاتھ كہاں باندھتے ہيں۔۔
آمين آہستہ كہتےہيں يا اونچي۔۔۔۔
آپ امام بارہ كو مانتے ہيں يا چار كو يا ايك كو بھي نہيں۔
آپ اذاسے قبل درود شريف اونچي آواز ميں‌پڑہتے ہيں يا نہيں۔
يا مثلا ڈاكٹر عبد القدير خان صاحب سے‌كوئي پوچھے كہ
كہ مرزا غلام احمد قادياني اور اس كے‌پيرو كاروں كو ان كے عقيدہ ختم نبوت كي وجہ سے‌كافر تسليم كرتے ہيں يا نہيں

محسن بٹ

جی ہاں‌ میری بھی یہی سوچ ہے کہ کیا کوئی بھی سوال کسی بھی شخصیت سے کیا جانا ضروری ہے؟
اگر سہیل وڑائچ ڈاکٹر قدیر صاحب کا انٹرویو لے رہا ہے تو میرا نہیں خیال وہ انکے پیشے سے ہٹ کریا ایک حد تک انکی نجی زندگی کے بارے سوالات کے علاوہ ان سے بارہ اماموں کو ماننے یا نہ ماننے کا سوال کرے، اسی طرح ایک مشہور کامیڈی کے بادشاہ سے پیروں فقیروں سے متعلق سوال بھی کوئی زیب نہیں‌ دیتا اور یہی بات اس جانب اشارہ کرتی ہے جو میں نے اپنی پچھلی پوسٹ میں‌ لکھی۔۔۔۔