مقبوضہ کشمیر میں بھارتی فوج نے بے گنا ہ کشمیریوں کو فرضی جھڑپوں میں شہید کرنے کا اعتراف کر لیا ہے ۔
بھارتی خبررساں ادارے کے مطابق بھارتی فوج کا کہنا ہے کہ کنٹرول لائن کے نزدیکی ضلع پونچھ میں فورسز اہلکاروں نے مجاہدین کی موجودگی کی غلط اطلاع پر کارروائی کی جس کے دوران ایک نوجوان مارا گیا تھا ۔فوج نے پہلے اسے مجاہد قرار دیا تھا تاہم16 کور سے وابستہ ایک اہلکار کے مطابق مارا جانے والے شخص مجاہد نہیں تھا بلکہ عام شہری تھا ۔اہلکار نے بتایا کہ اس معاملے کی تحقیقات جاری ہیں کہ عام شہری جھڑپ میں کس طرح مارا گیا اور یہ اس کے پیچھے کیا سازش ہو سکتی ہے ،ای کی ایس او جی اور فوج مشترکہ تحقیقات کررہی ہیں ،دفاعی ترجمان کے مطابق معاملے کی فوری تحقیقات کرائی جائیں گی اور ذمہ داروں کے خلاف سخت کارروائی کی جائے گی ، واضح رہے بھارتی فوج نے ضلع پونچھ کے سیکٹر سرنکوٹ میں ایک جھڑپ میں لشکر طیبہ کے کمانڈر شہید کرنے کا دعوی کیا تھا۔

__________________
تم قاتل نہیں ہو پیشہ ور گدھے!