اسپیشل بچوں نے اتوار کے روز ہائیکورٹ بار اور ڈسٹرکٹ بار کے عہدیداروں سے ملاقات کی اور لانگ مارچ میں شامل ہونے کا اعلان کیا۔ اس موقع پرا سپیشل بچوں نے کہا کہ وہ وکلا کے ساتھ اسلام آباد تک جائیں گے اور ججوں کی بحالی کیلئے دھرنا دینگے۔ دوسری طرف وکلا رہنماؤں نے گزشتہ روز چوک کمہارانوالہ پر پمفلٹ تقسیم کئے اور شہریوں میں لانگ مارچ میں شامل ہونے کی دعوت دی۔ شہر کے اہم چوراہوں پر لانگ مارچ کے حوالے سے پوسٹرز، بینرز اور تصاویر آویزاں کر دی گئی ہیں۔ زکریا یونیورسٹی کے طلبا وطالبات نے لانگ مارچ کے حوالے سے ڈرامہ پیش کیا۔ حسین آگاہی میں استقبالیہ کیمپ کا افتتاح کیا گیا۔ جہاں دن بھر عدلیہ اور ججوں کی بحالی کے حوالے سے گیت چلائے جاتے رہے