ملکوں کے مختلف نام کیوں؟



لوگ کہتے ہیں کہ انگریزی زبان میں کچھ ملکوں کے نام تو ویسے ہی بولے جاتے ہیں جیسے ان ممالک کے لوگ کہتے ہیں مگر کچھ ممالک کے نام انگریزی میں جاکر تبدیل ہو جاتے ہیں۔ اس کی کیا وجہ ہے۔

جواب
ان ممالک کر فہرست میں بہت سے نام آتے ہیں جو انگریزی میں جاکر اپنی ہیئت مکمل طور پر تبدیل کر چکے ہیں۔ ان میں مصر، شام، یونان، اورژوانگ ہواو شامل ہیں جنہیں انگریزی میں Egypt, Syria, Greece اور چائنا کہا جاتا ہے۔ کچھ نام ایسے ہیں جو انگریزی میں تبدیل تو ہوئے مگر پھر بھی اصل نام سے ملتے جلتے ہیں جیسے مغرب سے مراکو، نپون سے جاپان، اردن سے جورڈن اور کام پوچی سے کمبوڈیا وغیرہ۔

دوسری طرف ایسے ممالک ہیں جن کے نام انگریزی میں بھی ہو بہو ویسے ہی ہیں جیسے ان ممالک کی اپنی زبان میں۔ ادائیگی کی ہلکی پھلکی اونچ نیچ کو چھوڑ کر ان میں کوئی تبدیلی واقع نہیں ہوئی۔ ان میں بنگلہ دیش، سری لنکا، افغانستان، نیپال اور پاکستان کے نام بہترین مثالیں ہیں۔ پھر انڈونیشیا، برما، تائیوان، اور دوسرے بے شمار ممالک ہیں جن کے ناموں میں تلفظ کی مجبوری کے علاوہ قطعاََ تبدیلی واقع نہیں ہوئی۔

اب سوال یہ ہے کہ جن ممالک کے نام اپنی اصل سے بہت ہی مختلف ہیں تو اس کی وجہ کیا۔ بات یہ ہے کہ جن ممالک کے نام براہِ راست انگریزی زبان میں آئے وہ جوں کے توں ہیں مگر جو صدیوں کا سفر طے کر کے مختلف ممالک اور تہذیبوں سے ہوتے ہوئے انگریزی میں آئے ان کی ہیئت اس مسافت کے دوران تبدیل ہوتی گئی۔

ایسے تمام ناموں کی تاریخ اور تشریح ایک پروگرام میں ممکن نہیں ہے لیکن میں چین کے سلسلے میں آپ کو بتائی چلوں۔ مینڈرِن زبان میں ملک چین کو Zhong guo کہا جاتا ہے (تلفظ: ژوانگ گواو) پہلے لفظ کا مطلب ہے درمیان والا اور دوسرے کا خظہٴارض۔ چنانچہ مطلب ہوا مرکزی خطہ۔ اس کا قدیم ترین تحریری استعمال چھٹی صدی قبلِ مسیح میں ملتا ہے۔ اس زمانے میں چین کو ساری دنیا کا تہذیبی و ثقافتی مرکزسمجھا جاتا تھا۔

انگریزی لفظ چائنا کا اولین تحریری استعمال سنہ 1555 میں ملتا ہے۔ ژھو شہنشاہیت میں 778 قبلِ مسیح سے207 قبل مسیح تک چلنے والی سلطنت (Qin) کا نام، سنکسرت اور فارسی کے راستے پہلے سینا میں تبدیل ہوا اور انگریزی میں پہنچتے پہنچتے مارکو پولو کے ہاتھوں سِِن (Cin) بن گیا۔ اور وہاں سے چلتا چلاتا سولھویں صدی میں چائنا کہلایا۔

گویا اردو میں اس کا نام وہی ہے جو صدیوں پہلے خود چین میں رائج تھا، یعنی Qin جس کا تلفظ تھا چین!

__________________
سمجھو تو بہت قابلِ تعظیم ہے لوگوں
اِک دوست کا اِک دوست سے پیار کا رشتہ
www.tariqraheel.blogspot.com