صوبہ سندھ کے دارالحکومت کراچی میں گارڈ ز کی وردیوں میں ملبوس افراد نے 52کروڑ روپے کی رقم لوٹ لی جو ملک کی تاریخ کی سب سے بڑی ڈکیتی بتائی جاتی ہے پولیس نے کارروائی کر کے دو گارڈز کو گرفتار کر لیا ہے جبکہ سکیورٹی کمپنی کا لائسنس منسوخ کر دیا گیا ہے، سی پی او کراچی وسیم احمد نے کہا ہے کہ بنک میں ڈکیتی بارے اہم معلومات مل گئی ہیں جلد بریک تھرو ہو سکتا ہے۔ تفصیلات کے مطابق اتوار کوکراچی میں آئی آئی چندریگر روڈ پر واقع الائیڈ بینک کی برانچ سے گارڈ ز کی وردیوں میں ملبوس افراد نے 52کروڑ روپے کی رقم لوٹ لی جو ملک کی تاریخ کی سب سے بڑی ڈکیتی بتائی جاتی ہے لوٹی گئی رقم میں ملکی ا ور غیر ملکی کرنسی بھی شامل ہے جس میں سے تقریباً چالیس ہزار یورو پولیس کے ایک برطرف شدہ اے ایس آئی کے گھر سے بر آمد کر لئے گئے ہیں پولیس نے بینک ڈکیتی میں گارڈ ز کو ملوث بتایا ہے اور دو گاڈز کو حراست میں لے لیا ہے جبکہ دیگر ملزمان کی گرفتاری کیلئے چھاپے مارے جارہے ہیں ۔دریں اثناء توار کی شب نجی ٹی وی سے بات چیت کرتے ہوئے سی سی پی او کراچی وسیم ا حمد نے کہا کہ بنک میں ڈکیتی بارے اہم معلومات مل گئی ہیں جلد بریک تھرو ہو سکتا ہے ۔ ملزموں کی گرفتاری کیلئے ٹیمیں روانہ کر دیں امید ہے انہیں جلد گرفتار کر لیا جائے گا۔ کراچی بھر میں ڈکیتی اور نقب زنی کی وارداتیں روکنے کیلئے اقدامات کئے جا رہے ہیں۔ کاروباری اداروں کو ا پنی سیکیورٹی کیلئے خود بھی اقدامات کرنے چاہئیں اور سیکیورٹی گارڈ حاصل کرنے سے پہلے متعلقہ کمپنیوں بارے مکمل معلومات حاصل کی جائیں۔ ا سی سی پی او کراچی وسیم احمد نے کہا کہ کراچی میں ڈھائی سو سے زائد کمپنیوں کے 80 ہزار سیکیورٹی گارڈز ہیں۔ لہذا اداروں کو سیکیورٹی گارڈز مناسب اسکرونٹی کے بغیر نہیں رکھنا چاہئیں۔ وسیم احمد نے کہا کہ ملزمان بارے معلومات مل گئیں ہیں اور ان کی گرفتاری کیلئے ٹیمیں بھی روانہ کر دی گئی ہیں اور کسی بھی وقت ملزمان کو گرفتار کر لیا جائے گا ۔ ملزمان بچ کے کہیں نہیں جا سکتے ان کے گرد گھیرا تنگ ہے۔ انہوں نے کہا کہ ملزمان کے شناختی کارڈ بنک میں موجود ہیں۔ ان کی کاپیاں بنک سے حاصل کر لی گئی ہیں اور مزید تفصیلات بارے بتانا مناسب نہیں ہے۔ وسیم احمد نے کہاکہ بنک میں نقب زنی کے بعد متعلقہ سیکیورٹی کمپنی کالائسنس منسوخ کر دیا گیا ہے اور اس کے مالک کی گرفتاری کیلئے بھی چھاپے مارے جا رہے ہیں ۔ ڈکیتی بارے کمپنی مالک کو بھی شامل تفتیش کیا جائے گا۔ سی سی پی او نے کہا کہ بنک ڈکیتی میں ملوث ملزمان چند ماہ قبل بھرتی ہوئے تھے اور مختلف اوقات میں بنک کی سیکیورٹی کیلئے ڈیوٹی کرتے تھے ۔ سی سی پی او نے کہا کہ بڑی کمپنیاں اچھے سی سی ٹی وی کیمرے نصب کریں تاکہ کسی بھی قسم کے نا خوشگوار واقعہ سے نمٹنے کیلئے ان کیمروں کی مدد لے کر ملزمان تک پہنچنے میں آسانی پیدا ہو سکے۔

__________________
ناراضگی ظاہر کرنا دل میں برائی رکھنے سے بہتر ہے۔