05 ستمبر 2010 ملتان(مانیٹرنگ ڈیسک) پاکستان کرکٹ ٹیم کے سابق کپتان اور تحریک انصاف کے سربراہ عمران خان نے میچ فکسنگ سکینڈل کے متعلق کہا ہے کہ جو کچھ ملک میں ہورہا ہے اسی کی جھلک کرکٹ میں پائی جارہی ہے۔ ملتان ایئر پورٹ پر میڈیا سے گفتگو کرتے ہوئے انہوں نے کہا کہ پاکستان میں ادارے کمزور ہیں اور کرپشن کرنے والے بڑے عہدوں پر فائز ہیں۔ انہوں نے کہا کہ پاکستان میں اداروں کو مضبوط بنانا پڑے گا اور پاکستان کرکٹ کو بھی ایک ادارے کی حیثیت دینا ہوگی۔ انہوں نے کہا کہ قومی کرکٹ ملک کی عکاسی کر رہی ہے۔ ان کا کہنا تھا کہ ملکی نظام کو ٹھیک کر دیا جائے تو کرکٹ کا نظام بھی خود بہ خود ٹھیک ہوجائے گا۔

__________________
جاویداسد