ملک اقتدار پر فوج کے قبضے کی جانب بڑھ رہا ہے؟

**گلاب خان** · 05-08-11, 03:05 AM

اسلام آباد (رپورٹ : فرخ سلیم) پاکستان کی تیسری اور سندھ کی دوسری بڑی سیاسی جماعت کے بانی رہنما الطاف حسین اس نتیجے پر پہنچے ہیں کہ حکومت ناکام ہو چکی ہے اور اب فوج کو مداخلت کرنی چاہیے جبکہ خیبر پختون کی سب سے بڑی سیاسی جماعت اور مخلوط حکومت میں حکمراں جماعت کی اتحادی اے این پی کا موقف ہے کہ کراچی میں ایک ماہ کے لئے فوج تعینات کر کے شہر کو اسلحہ سے پاک کیا جانا چاہیے۔ سوال یہ کھڑا ہوتا ہے کہ آیا ملک اقتدار پر فوج کے قبضے کی جانب بڑھ رہا ہے۔ صدر آصف علی زرداری ایک معقولیت پسند سیاسی رہنما ہیں جن کا اپنے حریفوں پر برتری کے لئے ہر اقدام نپا تلا ہوتا ہے۔ نواز شریف نے اس خوف سے پیپلز پاٹی کے ساتھ اتحاد کیا تھا تاکہ اسٹیبلشمنٹ کو بالادست ہونے کا موقع نہ مل سکے جبکہ اب اسٹیبلشمنٹ اس خوف سے آصف زرداری کو نیچا دکھانا نہیں چاہتی کہ کہیں مسلم لیگ (ن) بالادست نہ ہو جائے۔ گزشتہ ایک سال کے دوران صدر زرداری کے چالاکی کے ساتھ اقدامات کے باعث نواز شریف تنہا ہو گئے جبکہ عدالتی محاذ پر پیپلز پارٹی کی جانب سے اعلیٰ عدلیہ کی حکم عدولی اور محاذ آرائی اس تصور کی بنیاد پر ہے کہ عوامی عدالت اس معاملے میں خود بٹی ہوئی ہے۔ جبکہ عدلیہ سے ٹکراﺅ کے نتیجے میں پیپلز پارٹی کا ووٹ بینک بڑھے گا اور ہو سکتا ہے کہ پیپلز پارٹی کو ہمدردی میں اضافی ووٹ ملیں۔ پیپلز پارٹی کے اپنے تخمینے میں اسٹیبلشمنٹ پاک افغان‘ پاک امریکا‘ طالبان پاکستان‘ اورکزئی اور کرم جیسے امور اور تنازعات میں اس قدر الجھی ہوئی ہے کہ اب اس میں کوئی محاذ کھولنے کی ہمت نہیں ہے۔ پیپلز پارٹی کا عدلیہ سے جھگڑا منطقی سیاسی رویہ کی بنیاد پر ہے۔ اقتدار کے اس کھیل میں ہر کردار عقلی بنیادوں پر دستیاب اطلاعات کے مطابق چال چل رہا ہے۔اور ایک کی کامیابی کھیل میں دوسرے کی حکمت عملی پر منحصر ہے۔ سیاست کی طرح اقتصادیات میں بھی اطلاعات کے عدم توازن پر حکمت عملی وضع کی گئی ہے۔ پاکستان کی یہ تاریخ رہی ہے کہ سویلین حکومت کے مفلوج ہو جانا اور امن وامان کی بگڑتی ہوئی صورتحال کسی فوجی مداخلت کے لئے کافی ہوتا ہے۔ اب سوال یہ پیدا ہوتا ہے کہ آیا ملک ایک بار پھر فوج کی مداخلت اور اقتدار پر قبضہ کی جانب بڑھ رہا ہے۔ منطقی طور پر ضرورت اور مناسبت اس کی دلالت کے تعلق کا حوالہ ہوتا ہے۔ حالیہ تناظر میں سول حکومت مفلوج ہے‘ امن وامان کی صورتحال بگڑتی جارہی ہے‘ اقتصادیات تباہ ہے۔ یہ عناصر فوجی مداخلت کے لئے سازگار حالات پیدا کرتے ہیں لیکن اس کے باوجود فوج کے اقتدار پر قبضے کے لئے انہیں مناسب حالات قرار نہیں دیا جا سکتا۔ جبکہ تمام تر امکانات میں ہم ”ضرورت“ پر پہلے ہی پہنچ چکے ہیں اور مناسبت کی جانب بڑھ رہے ہیِں۔ حکومتوں کی تبدیلی عدالتی یا فوجی نہیں بلکہ ایک سیاسی عمل ہوتا ہے۔ بدقسمتی سے ایسے بھی ممالک ہیں جہاں حکومتوں کی تبدیلی عدلیہ یا فوجی عمل کے ذریعے عمل میں آتی ہے۔

روزنامہ جنگ راولپنڈی

**نیلم خان** · 05-08-11, 03:43 AM

پھر مارشل لا

05-08-11, 03:43 AM	#2
نیلم خان ذیلی ناظم تاریخ شمولیت: Aug 2009 مقام: Rawalpindi مراسلات: 11,907 کمائي: 561,131 شکریہ: 25,577 10,452 مراسلہ میں 38,593 بارشکریہ ادا کیا گیا	پھر مارشل لا Share Share this post on Digg Del.icio.us Technorati Twitter Facebook!

موضوع کے اختیارات
Show Printable Version Email this Page
ظاہری انداز	Rate This Thread
Linear Mode Switch to Hybrid Mode Switch to Threaded Mode	Rate This Thread:

Currently Active Users Viewing This Thread: 1 (0 members and 1 guests)