اسلام آباد۔۔۔۔۔۔۔ ملک کے اکثر حصوں میں گزشتہ24گھنٹوں کے دوران موسم خشک اور سرد رہا تاہم اتوارکی شب کوئٹہ اور قلات ڈویژن میں چند ایک مقامات پر گرج چمک کے ساتھ ہلکی بارش ہوئی ۔گزشتہ شب سب سے کم درجہ حرارت کالام میں منفی13ڈگری سینٹی گریڈ ریکارڈ کیا گیا جبکہ گوپس منفی11،ہنزہ، مالم جبہ منفی10،چترال استور منفی 9 ، پارہ چنار،سکردو منفی7اوردیرمیں منفی6ڈگری درجہ حرارت رہا۔ مری میں کم سے کم درجہ حرارت منفی 3کوئٹہ منفی2اور اسلام آباد میں صفر ریکارڈ کیا گیا۔راولپنڈی اوراسلام آباد سمیت ملک کے اکثر بالائی علاقے مغرب سے داخل ہونیوالی شدید سرد ہواؤں کی لپیٹ میں ہیں جس کے باعث زیادہ تر علاقوں کے رات کے درجہ حرارت میں مزیدکمی آنے کاامکان ہے ۔محکمہ موسمیات کے مطابق آئندہ 24گھنٹوں کے دوران ملک کے بیشتر حصوں میں موسم خشک اور سرد رہے گاتاہم کوئٹہ، قلات اور مکران ڈویژن میں چند ایک مقامات پرآج بعد دوپہر گرج چمک کے ساتھ بارش اور پہاڑوں پربرفباری کا امکان ہے جوآئندہ دو سے تین روز کے دوران وقفے وقفے سے جاری رہیگا۔ بارانی علاقوں میں بارش کی توقع ہے۔