ملیر کینٹ ڈاکخانے میں لاکھوں روپے خورد برد، پوسٹ ماسٹر گرفتار
کراچی( خالد محبوب/ اسٹاف رپورٹر)ملیر کینٹ ڈاکخانے کے پوسٹ ماسٹر طارق قیوم اور پیکر ممتاز کی ملی بھگت سے منی آرڈرز اور یوٹیلیٹی بلز کی 6 لاکھ سے زائد رقم کی خورد برد کا انکشاف پوسٹ ماسٹر گرفتار جبکہ پیکر رقم لیکر فرار ہوگیا۔ انتہائی باخبر ذرائع مذکورہ اہلکاروں کا طریقہ واردات یہ تھا کہ کورنگی جی پی او فراہم کی جانیوالی منی آرڈرز کی کتابوں میں 2کتابیں علیحدہ طور پر استعمال کرکے منی آرڈر وصول کرتے تھے جس کے بارے میں کورنگی جی پی او کو ڈیلی اکاؤنٹ کی تفصیلات میں اس کو ظاہر نہیں کرتے تھے۔ذرائع کا کہنا ہے اسسٹنٹ سپر یٹنڈنٹ نواز میرا جنہوں نے اپنی اسٹیٹ قائم کی ہوئی ہے مذکورہ پوسٹ ماسٹر اس میں فراڈ کی رقم سے سرمایہ کاری کرتا تھا علاوہ ازیں 14 اپریل کو ملیر کالونی پوسٹ آفس کے پوسٹ ماسٹر علی حسن کے بارے میں 2لاکھ 97 ہزار روپے کی خورد برد کی شکایت ملنے کے باوجود ڈپٹی کنٹرولر اور اسسٹنٹ سپرننٹڈنٹ تاحال اس حوالے سے چشم پوشی سے کام لے رہے ہیں۔ مذکورہ دونوں افراد محکمہ ڈاک کے قواعد و ضوابط کے خلاف گزشتہ 4 سال سے ایک یہ جگہ تعینات ہیں۔اس سلسلے میں جب پوسٹ ماسٹر جنرل سندھ کا موقف جاننے کیلئے متعدد بار موبائل فون کیا لیکن انہوں نے فون اٹینڈ نہیں کیا ۔

__________________