منصور اعجاز نے پاکستان آنے سے انکار کردیا ہے: وکیل

**گلاب خان** · 24-01-12, 02:30 AM

آخری وقت اشاعت: پير 23 جنوری 2012 ,‭ 08:30 GMT 13:30 PST

متنازع میمو کے قضیئے کے مرکزی کردار اور پاکستانی نژاد امریکی شہری منصور اعجاز کے وکیل نے اعلان کیا ہے کہ ان کے مؤکل پاکستان نہیں آ رہے۔

منصور اعجاز کے وکیل اکرم شیخ کے مطابق ان کے موکل نے وفاقی حکومت اور فوج کی طرف سے سکیورٹی خدشات دور کرنے کی یقین دہانی نہ کروانے کی بنا پر پاکستان میں اس میمو کی تحقیقات کرنے والے کمیشن کے سامنے پیش ہونے سےمعذرت کرتے ہوئے کہا ہے کہ کمیشن ان کا بیان لندن، زیورخ یا کسی بھی دوسرے ملک میں ریکارڈ کرے۔

لندن میں پاکستانی ہائی کمیشن نے منصور اعجاز کو اس عدالتی کمیشن کے سامنے پیش ہونے کے لیے پاکستان کا ایک سال کا ملٹی پل ویزہ جاری کیا ہے اور اُن کے وکیل اکرم شیخ نے کمیشن کو بتایا تھا کہ اُن کے موکل چوبیس جنوری کو کمیشن کے سامنے پیش ہو کر اپنا بیان ریکارڈ کروائیں گے۔

نامہ نگار شہزاد ملک کے مطابق منصور اعجاز کے وکیل اکرم شیخ نے پیر کو سپریم کورٹ کے باہر میڈیا کے نمائندوں سے گفتگو کرتے ہوئے کہا کہ منصور اعجاز کے ساتھ ہونے والی ٹیلی کانفرنس میں اُن کی سکیورٹی سے متعلق تبادلہ خیال کیا گیا۔

اُنہوں نے کہا کہ اس کانفرنس میں اس معاملے کی تحقیقات کرنے والے کمیشن نے منصور اعجاز کی سکیورٹی سے متعلق رواں ماہ نو جنوری اور سولہ جنوری کو جو احکامات جاری کیے تھے اُن میں کی گئیں بنیادی تبدیلیوں کے سلسلے میں تبادلہ خال کیا گیا۔

اُنہوں نے کہا کہ اُن کے موکل کی سکیورٹی پر مامور اسلام آباد پولیس کے ڈی آئی جی سکیورٹی ڈاکٹر مجیب الرحمنٰ نے اتوار کے روز ملاقات کی، اُس میں یہ معاملہ اُٹھایاگیا کہ کیا وفاقی حکومت اس بات کی ضمانت دیتی ہے کہ منصور اعجاز کے کمیشن کے سامنے پیش ہونے کے بعد اُس کا نام ایگزٹ کنٹرول لسٹ پر نہیں ڈالا جائے گا جس پر پولیس افسر نے ایسی کوئی بھی ضمانت دینے سے معذرت کر لی۔

اکرم شیخ نے الزام عائد کیا کہ وفاقی حکومت نے ایسی منصوبہ بندی کی ہے کہ جونہی اُن کے موکل کمیشن کے سامنے پیش ہونے کے بعد باہر نکلیں تو اُنہیں کسی مقدمے میں پھنسا دیا جائے تاکہ وہ دوبارہ اپنے ملک نہ جا سکیں۔

اُنہوں نے وزیر اعظم یوسف رضا گیلانی کے بیان پر افسوس کا اظہار کیا جس میں اُنہوں نے کہا تھا کہ منصور اعجاز کے پاکستان آنے کے بعد اُن کی حفاظت ایک تھانے کا ایس ایچ او کرے گا۔ اُنہوں نے کہا کہ کہ اُن کے موکل کو خدشتہ ہے کہ اگر وفاقی حکومت نے اُنہیں سکیورٹی فراہم کی تو ہوسکتا ہے کہ اُن کے پاس جو الیکٹرانک شواہد موجود ہیں وہ ضائع کردیے جائیں تو اُس میں ردوبدل کردیا جائے۔

ایک سوال کے جواب میں اکرم شیخ کا کہنا تھا کہ’بری فوج کے سربراہ جنرل اشفاق پرویز کیانی کی سربراہی میں بارہ جنوری کو کور کمانڈر کانفرنس میں اس بات کا اعادہ کیا گیا تھا کہ منصور اعجاز کے پاکستان آنے پر فوج اُنہیں سکیورٹی فراہم کرے گی لیکن اُنہوں نے بھی ایسا نہیں کیا اور نہ ہی اس ضمن میں کوئی یقین دہانی کروائی ہے۔‘

وفاقی وزیر داخلہ رحمان ملک سے زیادہ حسین حقانی پر زیادہ اعتبار کر سکتے ہیں: اکرم شیخ

اُنہوں نے کہا کہ اس ضمن میں آرمی چیف کو خط بھی لکھا گیا ہے لیکن ابھی تک اُنہوں نے اس کا کوئی جواب نہیں دیا۔

ایک سوال پر کہ وزیر داخلہ رحمان ملک نے منصور اعجاز کو مکمل سکیورٹی فراہم کرنے کے بارے میں کہا ہے، اکرم شیخ کا کہنا تھا کہ وہ رحمان ملک کی بجائے اس متنازع میمو کے اہم کردار حسین حقانی پر زیادہ اعتبار کر سکتے ہیں۔ اُنہوں نے کہا کہ وزیر داخلہ کی باتوں پر اعتبار نہیں کیا جا سکتا۔

اس متنازع میمو کی تحقیقات کرنے والی قومی سلامتی کے بارے میں پارلیمانی کمیٹی کے سامنے پیش ہونے سے متعلق اکرم شیخ کا کہنا تھا کہ کمیٹی کسی بھی غیر ملکی کو طلب کرنے کا اختیار نہیں رکھتی البتہ اس پارلیمانی کمیٹی چاہے تو منصور اعجاز کا بیان لندن یا زیورخ میں ریکارڈ کر سکتی ہے اور یا پھر کمیشن کو دیے گئے بیان کو بھی استعمال کر سکتی ہے۔

یاد رہے کہ پارلیمانی کمیٹی نے چھبیس جنوری کو منصور اعجاز کو پیش ہونے کے بارے کہا ہے۔

منصور اعجاز نے پاکستان آنے سے انکار کردیا ہے

موضوع کے اختیارات
Show Printable Version Email this Page
ظاہری انداز	Rate This Thread
Linear Mode Switch to Hybrid Mode Switch to Threaded Mode	Rate This Thread:

Similar Threads
موضوع	موضوع شروع کیا	فورم	جوابات	آخری مراسلہ
ترکمانستان افغانستان پاکستان گیس پائپ لائن منصوبہ امریکی کمپنی آئی او سی کو دینے کی منظوری دے دی گئی:	پاکستانی	خبریں	2	23-02-12 06:09 PM
پاکستان کا کیا قصور؟	گلاب خان	اپکے کالم	1	16-12-10 09:38 PM
پاکستان کے صوبائی گورنرز	طارق راحیل	سیاست	0	28-12-08 10:20 PM
ذیل میں صوبہ بلوچستان، پاکستان کے شہروں کی فہرست ہے۔	خرم شہزاد خرم	میرا پاکستان	0	11-10-07 09:06 AM
بلوچستان میں دہشت گردی پھیلانے والوں کا نیٹ ورک افغانستان میں ہے: صوبائی پولیس	پاکستانی	خبریں	0	15-09-07 03:57 PM

Currently Active Users Viewing This Thread: 1 (0 members and 1 guests)