لندن(آئی این پی)ممتاز برطانوی اخبار نے دعویٰ کیا ہے کہ بھارتی وزیراعظم من موہن سنگھ نے پاکستان کے چیف آف آرمی اسٹاف جنرل اشفاق پرویز کیانی سے دونوں ممالک میں سفارتی تعلقات کی بہتری کیلئے خفیہ مذاکرات کا سلسلہ شروع کیا ہے جس کوامریکااوربرطانیہ کی حمایت بھی حاصل ہے جبکہ اس مقصد کیلئے ایک غیرسرکاری نمائندہ بھی مقررکرلیاہے۔ ہفتہ کو اخبار”دی ٹائمز“ کی رپورٹ کے مطابق بھارتی وزیراعظم من موہن سنگھ نے پاکستان اور بھارت کے مابین سفارتی تعلقات کی بہتری کے لئے 10ماہ قبل پاکستان کے آرمی چیف جنرل اشفاق پرویز کیانی سے خفیہ مذاکرات کا سلسلہ شروع کردیا ہے اس مقصد کیلئے ایک غیرسرکاری نمائندہ بھی مقرر کرلیا ہے ۔رپورٹ کے مطابق ان خفیہ مذاکرات کو امریکا اور برطانیہ کی بھی حمایت حاصل ہے کیونکہ دونوں ممالک سمجھتے ہیں کہ دونوں ممالک کے مابین افغانستان میں اپنااثرورسوخ بڑھانے کی دوڑ کا تنازع دونوں ممالک کے مابین بہتر تعلقات کی صورت میں ہی حل کیا جاسکتاہے۔ رپورٹ کے مطابق ورلڈکپ کے دوران پاک بھارت کرکٹ ٹیموں کا سیمی فائنل دیکھنے کیلئے من موہن سنگھ کی دعوت پر پاکستانی وزیراعظم یوسف رضاگیلانی کے دورہ بھارت سے دونوں ہمسایہ ممالک کے مابین سفارتی کشیدگی کے حل کی امید کی کرن پیداہوئی ہے۔
جنگ

__________________
لا فتی الا علیّ لا سیف الاّ ذوالفقار