این آر او فوبیا ‘ جنیوا میں واجد شمس الحسن کی سربراہی میں خفیہ آپریشن ‘ منی لانڈرنگ کی دستاویزات و شواہد پر مبنی 12 کاٹن غائب کر دئے گئے

جنیوا میں واجد شمس الحسن کی سربراہی میں خفیہ آپریشن کے دوران اعلیٰ پاکستانی شخصیات کے خلاف سوئس منی لانڈرنگ کی دستاویزات و شواہد پر مبنی 12 کاٹن پراسرار طور پر نا معلوم مقام پر منتقل
جنیوا ۔ برطانیہ میں پاکستانی ہائی کمشنر واجدشمس الحسن کی سربراہی میں جینوا میں انتہائی خفیہ آپریشن ہوا ہے ۔ اس آپریشن کے دوران پاکستان کی بعض اعلیٰ شخصیات کے خلاف سوئس منی لانڈرنگ کیس کی اصلی دستاویزات اور شواہد پر مبنی 12 کاٹن کو پیر کو سفارتی ڈاک میں پراسرار طور پر نا معلوم مقام پر منتقل کر دیا گیا ہے ۔ نجی ٹی وی کی رپورٹ کے مطابق یہ کاٹن جنیوا میں حکومت پاکستان کے پراسیکوٹر جنرل کو مشرف کے دور میں جمع کروائے گئے تھے ۔ ذرائع کے مطابق یہ خفیہ آپریشن اعلیٰ شخصیت کی ایماء پر کیا گیا کیونکہ اگر این آر او کی مدت ختم ہونے کے بعد سوئس منی لانڈرنگ کیس دوبارہ کھلے تو ان دستاویزات اور شواہد کو استعمال کیا جا سکتا ہے ۔ پاکستانی سفارت خانے کے ذرائع نے خدشہ ظاہر کیا ہے کہ اگر پاکستان میںمتعلقہ حکام یا عدالتوں نے مداخلت نہ کی انہیں واجد شمس الحسن سے واپس نہ لیا گیا تو ان دستاویزات کو ہمیشہ کے لیے ضائع کر دیا جائے گا۔