کوئٹہ (پ ر )چیف آف آرمی اسٹاف جنرل اشفاق پرویز کیانی اور انسپکٹر جنرل فرنٹیئر کور بلوچستان میجر جنرل عبیداللہ کی ہدایت پر لورالائی اسکاﺅٹس کے کمانڈنٹ کرنل نور ماہی نے ضلع موسیٰ خیل میں کوئلے کے ذخائر پر مختلف قبائل کے درمیان تنازعات کے حل کی کوششیں شروع کردی ہیں اوراس سلسلے میں موسیٰ خیل کے علاقے اڑم میں واقع کول مائنز پر تنازع کو مصالحت اور بات چیت کے ذریعے دونوں فریقین کی باہمی رضامندی سے حل کردیا ہے جبکہ باقی ماندہ علاقوں میں موجودہ تنازعات کے فریقین سے ابتدائی مذاکرات کئے ہیں جن پر تمام فریقین نے حوصلہ افزاء ردعمل کا اظہار کیا ہے۔ فریقین کے مثبت رویے سے توقع ہے کہ ضلع موسیٰ خیل میں کوئلے کے ذخائر کے تمام تنازعات کا پرامن حل ممکن ہوجائے گا جس کے بعدعلاقے میں کان کنی شروع کردی جائیگی جس کے نتیجے میں علاقے میں نہ صرف روزگار اور کاروبار کے نئے مواقعے فراہم ہونگے بلکہ ترقی اور خوشحالی کے نئے راستے بھی کھلیں گے۔

روزنامہ جنگ راولپنڈی

__________________

(وَقُل رَّبِّ ارْحَمْهُمَا كَمَا رَبَّيَانِي صَغِيرًا) اے میرے رب جس طرح انہوں نے مجھے بچپن سے پالا ہے اسی طرح تو بھی ان پر رحم فرما۔ (الاسراء: 23)