ابن جلال

بہت اچھے ، میں تفصیل ڈھونڈتا ہوں

ابن جلال

یہ لے مکمل خبر ۔ بی بی سی کی ہے ۔



پاکستان میں امن و امان کی صورتحال اور خودکش حملوں کے خطرے کے پیش نظر وفاقی دارالحکومت سمیت ملک کے اہم شہروں میں نماز عید مساجد میں ادا کرنے کے احکامات جاری کیے گئے ہیں۔
اسلام آباد کی انتظامیہ کے ایک اہلکار نے بی بی سی کو بتایا کہ وزارت داخلہ کی طرف سے ملنے والے احکامات میں کہا گیا ہے کہ قبائلی علاقوں میں شدت پسندوں کے خلاف جاری آپریشن کے ردعمل میں شدت پسند اپنی کارروائیاں کر سکتے ہیں لہذٰا کسی بھی ناگہانی صورتحال سے نمٹنے کے لیے نماز عید مساجد میں ادا کرنے کے انتظامات کیے جائیں۔

معلوم ہوا ہے کہ پولیس اور انتظامیہ کے اہلکار مساجد کے امام اور منتظمین سے ملاقات کر رہے ہیں جن میں اُنہیں کہا جا رہا ہے کہ عید کی نماز کھلے میدانوں میں ادا کرنے کی بجائے مساجد میں ہی ادا کی جائے۔

پولیس حکام کو یہ بھی ہدایت کی گئی ہے کہ وہ مساجد کی انتظامیہ کے ساتھ مذاکرات کریں اور نمازِ عید کے موقع پر اُن مساجد کے خادم یا کسی دوسرے اہلکار کو پولیس اہلکاروں کے ساتھ رکھا جائے تاکہ جب علاقے کے لوگ مسجد میں نمازِ عید پڑھنے کے لیے آئیں تو اُن کی شناخت کی جا سکے۔ پولیس حکام سے کہا گیا ہے کہ مساجد میں عید کی نماز کے موقع پر صرف ایک گیٹ کھولا جائے جہاں سے نمازی گزر سکیں۔

حفاظتی انتظامات کے تحت اسلام آباد میں پولیس کے علاوہ فرنٹیئر کانسٹیبلری کے اہلکاروں کو بھی اہم مساجد کے باہر تعینات کیا جائے گا۔ رینجرز کے اہلکار بھی وفاقی دارالحکومت میں اہم مقامات پر گشت کریں گے جبکہ ملک کے دوسرے شہروں میں مقامی پولیس کے علاوہ ریزرو پولیس کے اہلکاروں کو بھی تعینات کیا جائے گا۔

champion_pakistani

آپُ کا بہت بہت شکریہ۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔

ابن جلال

آپ کا بھی بہت شکریہ۔

ِ۔۔۔۔۔۔۔۔۔۔۔۔۔