2010 : اکتوبر-29
ڈیرہ غازی خان (مانیٹر نگ ڈیسک) تحریک انصاف کے سربراہ عمران خان نے کہا ہے کہ کھاتوں کے لحاظ سے نواز شریف اور زرداری نہایت غریب ہیں،اسلئے انہیں بے نظیر انکم سپورٹ پروگرام کے ذریعے امداد دی جائے۔ڈیرہ غازی خان میں جلسے سے خطاب کر تے ہو ئے انہوں نے کہا کہ حکمرانوں کی کرپشن عوام پر مہنگائی کا بوجھ بن کر گرتی ہے۔ اگر آج ہم نے تبدیلی کےلئے جنگ نہ لڑی تو مہنگائی کا سیلاب ہمیں بہا لے جائے گا۔ انہوں نے کہا کہ میں سیاست میں خوف کے بت توڑنے آیا ہوں ۔میں ان چوروں اور لیٹروں سے ڈرنے والا نہیں۔ انہوں نے کہا کہ میں نے پانچ سال قومی اسمبلی میں ملک کے بڑے بڑے ڈاکوﺅں اور چوروں کو بیٹھے ہوئے دیکھا ہے کرسکتے نواز شریف نے اربوں پتی ہونے کے باوجود صرف پانچ ہزار ٹیکس ادا کیا۔

__________________
جاویداسد