ن لیگ کے قائد اب سیاست میں بھرپور حصہ لیں گے، جماعت کی تنظیم نو ہوگی، مبصرین
اسلام آباد (ایوب ناصر، خصوصی نامہ نگار) پاکستان مسلم لیگ ن کے قائد محمد نواز شریف کی طرف سے سعودی عرب جلاوطنی کے موقع پر 10 برس تک سیاست میں حصہ نہ لینے کے سلسلے میں کی گئی کمٹمنٹ آج 2 دسمبر کو ختم ہوگی۔ 23 نومبر 2007 کو جلاوطنی ختم کرکے وطن واپس آنے کے بعد نواز شریف نے قومی اسمبلی کے انتخاب میں حصہ لینے کےلئے کاغذات نامزدگی داخل کئے تھے مگر انتخاب نہ لڑ سکے۔ جسٹس افتخار چوہدری کی بحالی کے بعد اعلیٰ عدالتوں نے ان پر انتخابی سیاست میں حصہ لینے کی اجازت دیدی مگر نواز شریف نے انتخاب میں حصہ نہ لیا جس کی وجہ 10 سالہ پابندی بتائی گئی۔ سیاسی مبصرین کا کہنا ہے کہ اب میاں محمد نواز شریف بھرپور انداز میں سیاست میں حصہ لیں گے پہلے ترجیح مسلم لیگ ن کی ملک گیر سطح پر تنظیم نو ہوگی۔
روزنامہ جنگ راولپنڈی، 2 دسمبر 2010ء