محمد یاسرعلی

نوشہرہ :پاکستان کے صوبے خیبر پختون خوا کے شہر نوشہرہ کے علاقے رسال پور چوک پر بم دھماکے کے نتیجے میں 12 افراد ہلاک اور 17 زخمی ہوگئے۔
ڈسٹرکٹ پولیس افسر نوشہرہ محمد حسین نے ہلاکتوں کی تصدیق کرتے ہوئے بتایا کہ دھماکے سے2ہوٹلوں سمیت کئی دکانوں،گاڑیوں اور موٹر سائیکلوں کو بھی شدید نقصان پہنچا ہے۔
پولیس کے مطابق بم سے ہونے والا دھماکا ریمورٹ کنٹرول اور شدید نوعیت کا تھا جو کہ بچوں کی گاڑی میں نصب کیا گیا تھا، زخمیوں میں سیکورٹی فورسز کے 6 اہلکار بھی شامل ہیں۔
پولیس حکام کے مطابق دھماکے سے زخمی ہونے والے افراد کو سی ایم ایچ ہسپتال رسال پور منتقل کردیا گیا ہے۔
انہوں نے بتایا کہ دھماکا اس وقت ہوا جب لوگ عید کی خریدی میں مصروف تھے جب کہ کئی افراد افطاری کے بعد کھانا کھا رہے تھے۔
دھماکے کے بعد سیکورٹی فورسز نے علاقے کو گھیرے میں لے لیا اور امدادی کارروائیاں جاری ہیں۔
The News Tribe