07 نومبر 2010 20 : 22
اسلام آباد (مانیٹرنگ ڈیسک)صدر آصف علی زرداری نے کہا ہے کہ انہوں نے جمہوریت کی خاطر مفاہمت کا مشکل راستہ اختیار کیا ہے اور ان میں بھی خامیاں ہیں جنہیں دور کرنے کی کوشش کی جارہی ہے۔ اسلام آباد میں’میڈیا،جمہوریت اور بہتر حکومت ‘کے عنوان سے ہونے والی کانفرنس سے خطاب کرتے ہوئے انہوں نے کہا کہ تنقید کرنا ایک آسان کام ہے لیکن مسائل کو حل کرنا کافی مشکل ہوتا ہے۔انہوں نے کہا کہ انہیں مسائل ورثے میں ملے ہین لیکن انہوں نے گھبرانے کی بجائے ان کا مقابلہ کرنے کا فیصلہ کیا۔صدر نے کہ پیپلز پارٹی نے ہمیشہ محروم اور پسے ہوئے طبقے کی نمائندگی کی۔انہوں نے کہا،’ہم اپنے وعدے پورے کریں گے ،جمہوریت کامکمل دفاع کریں گے کیونکہ اس کیلئے بینظیر بھٹو نے اپنی جان دی تھی ‘۔صدر نے کہا اٹھارہویں ترمیم کی منظوری سے پارلیمنٹ مضبوط ہوئی اور اب اداروں میں ٹکراﺅ نہیں ہونے دیں گے۔انہوں کیا میڈیا اور حکومت کی کبھی بھی دوستی نہیں رہی،ان میں ٹکراﺅ ہی رہتا ہے اور وہ اس سے پریشان نہیں۔انہوں نے واضح کیا کہ دہشت گردوں کو طاقت سے اپنا ایجنڈا مسلط کرنے دیں گے اور نہ ہی اپنی سرزمین کسی کو استعمال کرنے کی اجازت دیں گے۔صدر نے کہا کہ پاک بھارت تنازعات کے حل کیلئے کشمیر سمیت تمام مسائل پر بات چیت ضروری ہے۔انہوں نے کہا کہ پاکستان کے لوگ سیلاب زدگان کی مدد کیلئے خود آگے آئیں گے تو دنیا بھی ہماری مدد کرے گی۔

__________________
جاویداسد