پاکستان کو کارروائی کرنا ہو گی: راسموسن

نیٹو کے سیکرٹری جنرل آندرس فاگ راسموسن نے کہا ہے کہ یہ حقیت ہے کہ القاعدہ سے منسلک شدت پسند تنظیموں کی پاکستان میں محفوظ پناہ گاہیں ہیں اور پاکستان کو ان کے خلاف کارروائی کرنی ہو گی۔

القاعدہ سے تعلق رکھنے والے انتہا پسندوں کے خلاف کارروائی کے لیے پاکستان پر بڑھتے ہوئے امریکی دباؤ کے تناظر میں نیٹو کے سیکرٹری جنرل کا کہنا تھا کہ ایک مثبت کارروائی کی ضرورت ہے اور اسی لیے ہم نے پاکستانی فوج اور پاکستانی حکومت کو واضح طور پر بتا دیا ہے کہ سرحدی علاقوں میں محترک شدت پسندوں کی محفوظ پناہ گاہوں کے خلاف کارروائی کرنی ہو گی۔‘

آندرس راسموسن نےکہا کہ شدت پسندوں کی محفوظ پناہ گاہیں افغانستان میں نیٹو افواج کے لیے ایک مسئلہ ہیں اور ہمیں اس سے نمٹنا ہو گا۔

انہوں نے کہا کہ یہ نیٹو اور پاکستان کے مشترکہ مفاد میں ہے کہ ہم اس مسئلہ کا حل تلاش کریں اور یہی وجہ ہے کہ ہم نے پاکستان کو واضح الفاظ میں بتا دیا ہے کہ اس مسئلے کا حل ڈھونڈنا ہو گا۔

واضح رہے کہ کل پاکستان میں منعقد کل جماعتی کانفرنس میں حکومت پاکستان اور دیگر سیاسی جماعتوں اور افواج پاکستان کی جانب سے مبینہ تعلق رکھنے والے حقانی نیٹ ورک کے خلاف مزید کارروائی کے لیے امریکی دباؤ کو مسترد کر دیا گیا تھا۔

بي بي سي

__________________
بندے اور اللہ تعالی سے محبت کا فرق یہ ہے کہ۔ بندے کی محبت ہمیشہ انسان کی بڑی کمزوری بن جاتی ہے۔ اور اللہ تعالی کی محبت ہمیشہ انسان کی سب سے بڑی طاقت بن جاتی ہے۔