اسلام آباد (نمائندہ جنگ) الیکشن کمیشن نے نگراں وزراء کے انتخابات میں حصہ لینے سے متعلق اعتراضات کو مسترد کردیا ہے۔ الیکشن کمیشن کے ترجمان نے اس حوالے سے واضح کیا ہے کہ آئین کے آرٹیکل (7)224 میں وضاحت سے یہ بات شامل کی گئی ہے کہ نگراں وزیراعظم اور نگراں وزیراعلیٰ انتخابات میں حصہ نہیں لے سکتے۔ آئین میں اس کے علاوہ کسی نگراں وزیر کے انتخاب میں حصہ لینے کی پابندی نہیں ہے۔ ترجمان نے کہا کہ الیکشن کمیشن آئین سے ماورا کوئی حکم جاری کرنے کا مجاز نہیں ہے۔ موجودہ انتخابات میں سرحد کے نگراں وزیر پیر خالد رضا زکوڑی  بلوچستان کی نگراں وزیر بیگم خورشید بھروچہ اور سندھ کے نگراں وزیرشجاعت بیگ کی اہلیہ خوش بخت شجاعت حصہ لے رہے ہیں۔

__________________