13 نومبر 2010
رنگون(مانیٹرنگ ڈیسک) میانمار کی اپوزیشن لیڈر آنگ سان سوچی کو آخر کار21سال بعد ہفتے کے روز رہا کر دیا گیا ہے۔جمعہ کے روز تمام دن یہ اطلاعات گردش کرتی رہیں کہ آنگ سو چی کو رہا کیا جارہا ہے لیکن اُن کی رہائش گاہ کے قریب پولیس کی نقل و حرکت پہلے سے زیادہ دیکھے جانے کے باوجود آنگ سو چی کو رہا نہیں کیا گیا۔نوبل انعام یافتہ65 سالہ آنگ سان سو چی کو گزشتہ سال رہا کیا جانا تھا لیکن ایک امریکی شہری کی طرف سے اُن کے گھر کے قریب نہر کو تیر کر عبور کرنے کی کوشش میں اُنہیں اٹھارہ ماہ مزید حراست میں رہنا پڑا۔ یہ امریکی شہری آنگ سان سو چی کو رہا کرانا چاہتا تھا۔واضح رہے کہ آنگ سان سوچی نیلسن منڈیلا کے بعد سب سے زیادہ سیاسی قید کاٹنے والی دنیا کی دوسری عالمی لیڈر ہیں۔نیلسن منڈیلا نے 27سال تک قید کی سزا کاتی تھی۔ برما میں پچھلے ہفتے ہی انتخابات ہوئے ہیں جس میں فوجی حکومت کی حامی جماعت یو ایس ڈی پی نے پارلیمنٹ کے دونوں ایوانوں میں اکثریت حاصل کر لی تھی۔

__________________
جاویداسد