نیویارک (نیوز ایجنسیاں) منگل کے روز ایک مسلمان ٹیکسی ڈرائیور پر قاتلانہ حملے کے بعد گزشتہ شب ایک اور نسل پرست نے مسجد میں گھس کر غلاظت پھیلا دی اور نمازیوں کو دہشتگرد پکارنے لگا شراب کی بوتل سمیت شخص کو نمازیوں نے پکڑ کر پولیس کے حوالے کردیا ۔ تفصیلات کے مطابق نیویارک کے اسٹوریا کے علاقے میں بدھ کی شب تراویح سے قبل ا یک شخص جس کا نام فوری طور پر معلوم نہیں ہوسکا شراب کی بوتل تھامے مسجد میں داخل ہوا اور چیخ چیخ کر مسلمانوں کو گالیاں دیتے ہوئے دہشتگرد پکارنے لگا اور ساتھ ہی مسجد کی قالین پر کھڑے ہوکر غلاظت پھیلا دی اسے نجس کردیا مسجد میں موجود نمازیوں نے پکڑ کر شرابی کو کمرے میں بند کردیا اور ایمرجنسی پولیس کال کرکے ان کے حوالے کردیا پولیس نے فوری طورپر اسے ہسپتال پہنچا دیا تاہم اس کیخلاف باضابطہ فرد جرم عائد نہیں کی دریں اثناء گزشتہ روز ایک سفید فام کے ہاتھوں زخمی ہونیوالے بنگلہ دیشی ٹیکسی ڈرائیور احمد شریف کو نیویارک کے میئر بلو برگ نے سٹی ہال میں مدعو کیا میبر بلوم برگ نے احمد شریف کے ہسپتال میں ٹیلی فون پر عیادت کرتے ہوئے سٹی ہال آنے کی دعوت دی۔

__________________
جاویداسد