نیٹو افواج کا پاکستان علاقے میں گولہ باری کا اعتراف
کابل … افغانستان میں نیٹو افواج نے پاکستان علاقے میں گولہ باری کا اعتراف کرتے ہوئے کہا ہے کہ کارروائی سرحد پار سے دو راکٹ حملوں کے جواب میں کی گئی ۔کابل میں نیٹو افواج کی جانب سے جاری بیان میں دعویٰ کیا گیا ہے کہ ہفتہ کو پاکستانی علاقے سے افغان صوبے پکتیکا میں اتحادی فوجی اڈے کے قریب تین راکٹ داغے گئے۔نیٹو افواج کے مطابق تین اورراکٹ افغان فوج کے اڈے پر داغے گئے تاہم کوئی جانی نقصان نہیں ہوا۔اتحادی افواج نے اعتراف کیا ہے کہ جواب میں اس نے سرحد پار پاکستانی علاقے میں کارروائی کی ہے۔

__________________