واشگٹن شہر کا خاکہ فرانسیسی ماہر تعمیرات لفانت نے بنایا تھا

واشنگٹن ڈی سی دنیا بھر میں اپنی انفرادیت ، تاریخی مقامات کے حوالے سے جانا جاتا ہے ۔۔یہی وجہ ہے کہ ہر سال دنیا بھر سے لاکھوں سیاح واشنگٹن ڈی سی کے انہی تاریخی مقامات دیکھنے کے امریکہ کا رخ کرتے ہیں۔ آج ہم آپکو یہ بتائیں گے کہ امریکی دارالحکومت واشنگٹن ڈی سی کا نقشہ کیسے بنا یا گیا اور اس پر عمل کرنے میں کن دشواریوں کا سامنا کرنا پڑا۔

1791 میں جارج واشنگٹن نے امریکہ کا دارالخلافہ تعمیر کرنے کے لیے ایک سول انجنیر کا انتخاب کیا۔ یہ سول انجنیر تھے پیری چارلس لفانت۔ ان کا تعلق فرانس سے تھا اور وہ امریکہ کی جنگ آزادی میں بھر پور کردار ادا کر چکے تھے مگر جس عہدے کے لیے ان کا اب انتخاب کیا گیا تھا اس کی وجہ سے ان کو تاریخ میں ایک اہم مقام ملنے والا تھا۔

واشنگٹن ڈی سی کی تعمیر کے لیے وسائل محدود تھے۔ اسی دوران تھامس جیفرسن اور لفانت کے درمیاں اختلافات بھی پیدا ہونا شروع ہے گے۔ جیفرسن یہ چاہتے تھے کہ محدود وسائل کی بنا پر صرف سرکاری عمارات کی تعمیر کی جائے جبکہ لفانت ایک پورا شہر بسانا چاہتے تھے۔

لفانت کے تیار کیے ہوے منصوبےکے مطابق واشنگٹن ڈی سی کا مرکز کیپٹل ہل کی عمارت کو بننا تھا جسےوہ جینکنز ہل نامی پہاڑی پر تعمیر کرنا چاہتے تھے۔

امریکی صدر کے لیے یہ جس قسم کی رہائش گاہ ان کے ذہن میں تھی، وہ موجودہ وائٹ ہاؤس سے پانچ گنا بڑی تھی اور اس میں بڑی تعداد میں فوارے اور باغات بھی تھے۔
شہر کا نقشہ بنانے کے ہی مرحلے میں لفانت کے باقی انتظامیہ سے اختلافات بڑھتے گئے اور جارج واشنگٹن نے انہیں ان کے عہدے سے برخاست کر دیا۔

لفانت کے منصوبے کو پھر اینڈریو ایلی کاٹ نے شکل دی اور لفانت کے بھر پور احتجاج کے باوجود وہ اس میں تبدیلیاں کرتے رہے۔

کیونکہ چارلس لفانت کو تنخواہ دیے بغیر نوکری سے فارغ کیا گیا تھا اس وجہ سے ان کی باقی زندگی غربت میں گزری اور ان کا انتقال بھی کسمپرسی کی حالت میں ہوا۔

1901 میں مک ملن کمشن نے نیشنل مال نامی باغ بنانے کا منصوبہ بنایا جو کئی میل پر محیط تھا۔ اس باغ کی تعمیر کے لیے کمیشن نے لفانت کے پرانے نقشے نکالے اور ان پر عمل کرتے ہوئے واشنگٹن کا نیشنل مال بنایا ۔

آخر فرانسیسی حکومت کے اصرار پر لفانت کی خدمات تسلیم کیا گیا اور ان کی میت کو آرلنگٹن کے قومی قبرستان میں منتقل کیا گیا جہاں امریکہ کے قومی ہیروزکی قبریں ہیں۔

__________________
سمجھو تو بہت قابلِ تعظیم ہے لوگوں
اِک دوست کا اِک دوست سے پیار کا رشتہ
www.tariqraheel.blogspot.com