لندن (جنگ نیوز) یورپی طبی ماہرین نے کہا ہے کہ روزانہ اور باقاعدگی سے ورزش ذہانت میں معمولی کمی کو دور کر کے یادداشت اور مختلف اشیاء کو پہچاننے کی صلاحیت کو بہتر بنانے میں معاون ہے، حال ہی میں برطانیہ میں میو کلینک آف ایجنگ میں ماہرین کی ایک ٹیم نے 70 سے 89 سال کی عمر کے 868 افراد کا مطالعاتی جائزہ لیا۔ ان میں سے 128 افراد یادداشت میں کمی اور مختلف اشیاء کو پہچاننے کی صلاحیت میں کمی کے عوارض کا شکار تھے جبکہ 740 افراد ان صلاحیتوں کے لحاظ سے بالکل نارمل تھے۔ ماہرین نے اس ضمن میں تقابلی جائزہ لینے کیلئے شرکاء سے 50 اور 65 سال کی عمر میں ورزشوں کے حوالہ سے سوالناموں پر جوابات لئے اور سروے سے اخذ کیا کہ درمیانی عمر میں باقاعدگی سے ورزشیں کرنے والوں کی بڑھاپا میں بھی یادداشت اور مختلف اشیاء کو پہچاننے کی صلاحیت متاثر نہیں ہوتی۔ محقق ڈاکٹر یونس انذا لے گیدا نے کہا ہے کہ اس ضمن میں ابھی مزید تحقیق کرنے کی ضرورت ہے۔