وزراء اور پارٹی عہدیدار ریمنڈ سے متعلق بیان نہ دیں، صدرزرداری

**گلاب خان** · 03-02-11, 05:00 AM

اسلام آباد (طاہرخلیل) صدر آصف علی زرداری نے تمام وفاقی وزیروں اور پارٹی عہدیداروں کو ریمنڈ ڈیوس کے بارے میں بیان بازی پر پابندی لگا دی ہے۔ صدر نے یہ فیصلہ پی پی پی کور کمیٹی کے اجلاس میں کیا جس میں لاہور میں دو شہریوں کے قتل میں ملوث امریکی باشندے ریمنڈ ڈیوس کے حوالے سے تفصیلی گفتگو ہوئی۔ ذرائع کے مطابق پی پی پی کور گروپ کا اجلاس رات بھر جاری رہا اور اجلاس علی الصبح چار بجے کے بعد اختتام پذیر ہوا۔ اجلاس میں پی پی پی اور مسلم لیگ ن کے تعلقات کے حوالے سے بھی مفصل بات ہوئی اور یہ فیصلہ کیاگیا کہ ن لیگ کا ساتھ کسی صورت نہیں چھوڑیںگے۔ اگر ساتھ چھوڑنا بھی پڑا تو پی پی پی کے وزراءصوبائی حکومت سے الگ ہوجائیں لیکن پی پی پی کے ارکان ن لیگ کے اتحاد سے الگ نہیں ہوںگے۔ وزیرخارجہ شاہ محمودقریشی نے ریمنڈ ڈیوس کےخلاف قانونی کارروائی کے مضمرات سے آگاہ کیا۔ وزیرخارجہ نے اس بات کا نوٹس لیا کہ ہروزیر اور ہر پارٹی عہدیدار اس معاملے پر بیان دے رہا ہے جس سے منفی اثرات مرتب ہوسکتے ہیں۔ وزیرداخلہ رحمن ملک نے وضاحت کی کہ وہ اپنے دائرہ کار سے باہر نہیں دیتے۔ ذرائع کا کہنا ہے کہ صدرزرداری نے کابینہ کی تحلیل کے حوالے سے غیرضروری خبروں کا نوٹس لیا اور کہاکہ اس سے وزیراعظم پر دباﺅ بڑھتا ہے۔ کابینہ میں ردوبدل کافیصلہ وزیراعظم خود کریںگے۔ وزیرداخلہ نے کور کمیٹی کے شرکاءکو امن وامان کے بارے میں بریف کیا۔ کور کمیٹی کے شرکاءنے صدر زرداری اور وزیراعظم گیلانی کی قیادت میں اظہار خیال کیا۔ ذرائع نے یہ بھی بتایا کہ کور کمیٹی کے اجلاس میں وزیرخارجہ نے ڈیڑھ گھنٹے تک بریفنگ دی اور بیشتر وقت پاک امریکا تعلقات پر صرف کیا وزیرخارجہ اجلاس کے شرکاءکو باور کراتے رہے کہ اگر امریکی باشندے کو رہا نہ کیاگیاتو اس سے پاک امریکا تعلقات متاثر ہوسکتے ہیں۔ ایک مرحلے پر جب یہ بات آگے بڑھی تو وزیر داخلہ رحمن ملک نے کہاکہ امریکی باشندے کے خلاف قانونی کارروائی کو روکا گیا تو پھر اس کا شدید ردعمل بھی ہوسکتا ہے اور حکومت کےخلاف مظاہرے بھی ہوسکتے ہیں ہمیں اس صورتحال سے بچنا چاہیے اور قانون کے مطابق کارروائی کو جاری رکھنا چاہیے۔ صدر نے اس مرحلے پر مداخلت کی اور کہاکہ امریکی باشندے کے بارے میں بیانات صرف وزارت داخلہ اور وزارت خارجہ ہی دیں گے۔

روزنامہ جنگ راولپنڈی

**محمدعدنان** · 03-02-11, 05:15 AM

شئیرنگ کا شکریہ بھائی ۔

03-02-11, 05:15 AM	#2
محمدعدنان ناظم اعلی تاریخ شمولیت: May 2007 مقام: خود کی تلاش میں مراسلات: 15,327 کمائي: 5,560,014,187 شکریہ: 12,919 6,824 مراسلہ میں 15,898 بارشکریہ ادا کیا گیا	شئیرنگ کا شکریہ بھائی ۔ Share Share this post on Digg Del.icio.us Technorati Twitter Facebook!

موضوع کے اختیارات
Show Printable Version Email this Page
ظاہری انداز	Rate This Thread
Linear Mode Switch to Hybrid Mode Switch to Threaded Mode	Rate This Thread:

Similar Threads
موضوع	موضوع شروع کیا	فورم	جوابات	آخری مراسلہ
وزارتوں اور عہدوں کے لالچی نہیں، نظریاتی ترجیحات کیلئے حکومت کا حصہ ہیں، فضل الرحمن	گلاب خان	خبریں	9	02-07-10 11:01 AM
اعلیٰ عدلیہ کے باقی ماندہ معزول جج ریٹائرڈ ہوچکے ہیں، وزارت قانون	ابن جلال	خبریں	0	16-10-08 02:11 PM
نگراں وزرأ انتخابات میں حصہ لے سکتے ہیں، ترجمان الیکشن کمیشن	عبدالقدوس	خبریں	0	25-12-07 11:48 AM
2 وزراء الیکشن لڑ رہے ہیں، عام انتخابات شفاف تصور نہیں ہونگے، عالمی مبصر	عبدالقدوس	خبریں	0	17-12-07 02:39 PM
وزراء الیکشن لڑ رہے ہیں، عام انتخابات شفاف تصور نہیں ہونگے، عالمی مبصر	خرم شہزاد خرم	خبریں	0	17-12-07 08:27 AM

Currently Active Users Viewing This Thread: 1 (0 members and 1 guests)