وزیراعظم نے سیٹلائٹ منصوبے کی اصولی منظوری دیدی
اسلام آباد (پاک ڈاٹ نیٹ) وزیراعظم سید یوسف رضا گیلانی نے ملک کے سیٹلائٹ منصوبے کی اصولی منظوری دیدی ہے۔ ایک نجی ٹی وی چینل کے مطابق گزشتہ روز وزیراعظم ہاو¿س میں ہونے والے اسٹرٹیجک پلان ڈویڑن کے اجلاس میں جوائنٹ چیفس آف اسٹاف کمیٹی کے چیئرمین جنرل طارق مجید، ڈپٹی چیئرمین پلاننگ کمیشن سلمان فاروقی اور ڈائریکٹر جنرل ا سٹرٹیجک پلانز ڈویڑن لیفٹیننٹ جنرل (ر) خالد قدوائی کی جانب سے جوہری توانائی اور سیٹلائٹ مواصلات کے منصوبوں پر بریفنگ دی گئی۔ ذرائع کے مطابق اجلاس میں وزیراعظم یوسف رضا گیلانی نے ملک کے سیٹلائٹ منصوبے کی اصولی منظوری دیدید ےہ جبکہ جوہری پلانٹس اور سیٹلائٹ مواصلاتی نظام کی خریداری کیلئے حتمی فیصلے سے قبل مالی انتظامات اور طریقہ کار طے کرنے کیلئے کمیٹی تشکیل د ی گئی جو ڈپٹی چیئرمین پلاننگ کمیشن، سیکرٹری خزانہ، سیکرٹری خارجہ، سیکرٹری پانی و بجلی اور ڈائریکٹر جنرل اسٹرٹیجک پلانز ڈویڑن پر مشتمل ہو گی۔ اجلاس میں وزیر دفاع چوہدری احمد مختار، وزیر خزانہ نوید قمر، وفاقی سیکرٹریوں اور اعلیٰ حکام نے شرکت کی۔