وزیراعظم یوسف رضا گیلانی سےایرانی وزیر خارجہ منوچہر متقی کی ملاقات

اسلام آباد: وزیراعظم سید یوسف رضا گیلانی سےایرانی وزیر خارجہ منوچہر متقی نے ملاقات کی ہے۔ اسلام آباد میں ہونے والی ملاقات میں پاک ایران تعلقات، باہمی دلچسپی کے امور،سہ ملکی گیس پائپ لائن، دو طرفہ تجارت ، خطے اور عالمی صورت حال سمیت دیگر امور پر تبادلہ خیال کیا گیا۔

ایرانی وزیر خارجہ منو چہر متقی اور پاکستانی ہم منصب شاہ محمود قریشی کے درمیان مذاکرات بھی ہونگے۔ ایرانی وزیر خارجہ صدر آصف علی زرداری سے بھی ملاقات کریں گے۔ وزیر خارجہ شاہ محمود قریشی ایرانی ہم منصب کے اعزاز میں ظہرانہ بھی دیں گے۔