وزیر خزانہ اسحاق ڈار کی امریکی نائب وزراء سے پاکستان کی اقتصادی صورتحال پر بات چیت
واشنگٹن (جنگ نیوز ) وزیر خزانہ اسحاق ڈار نے امریکی نائب وزراء سے پاکستان کی معاشی اور اقتصادی صورت حال پر بات چیت کی ہے۔ اسحاق ڈار نے اپنے وفد کے ہمراہ واشنگٹن میں امریکی نائب وزیر برائے اقتصادی امور لیوین جیفری سے ملاقات کی جس میں پاکستان میں قائم ہونے والی جمہوری حکومت اور ملک کی معاشی اور اقتصادی صورت حال پر تبادلہ خیال کیا ۔ ملاقات کے بعد مشترکہ پریس کانفرنس میں دونوں رہنماؤں نے بات چیت کو مثبت قرار دیا اور کہا کہ دونوں ملکوں کے درمیان معاشی اور اقتصادی شعبوں میں تعاون جاری رہے گا ۔ اس سے قبل وزیر خزانہ اسحاق ڈار نے امریکی نائب وزیر خزانہ رابرٹ کیمپ سے ملاقات کی جس میں ملک کو درپیش معاشی مسائل پر بات چیت کی گئی ۔ اسحاق ڈار واشنگٹن میں مختلف ممالک کے وزراء اور مالیاتی اداروں کے حکام سے بھی ملاقات کریں گے جن میں افغان وزیر خزانہ، جرمن وزیر برائے ترقیات، آئی ایم ایف کے ڈپٹی مینجنگ ڈائریکٹر اور دیگر حکام شامل ہیں ۔

__________________