وفاقی حکومت اگر آٹا نہیں دے سکتی تو اسے سرحد کی بجلی پر کوئی حق نہیں‘سراج الحق
مردان……جماعت اسلامی سرحد کے امیر سراج الحق نے حکومت پاکستان پر واضح کیا ہے کہ اگر وفاقی حکومت آٹا نہیں دے سکتی تو اسے سرحد کی بجلی پر کوئی حق نہیں۔گزشتہ روز یہاں صحافیوں سے بات چیت کرتے ہوئے کہا کہ جماعت اسلامی کے صوبائی امیر نے کہا کہ اگر وفاقی حکومت سرحد کے غریب عوام کیلئے آٹے کا بندوبست نہیںکر سکتی تو اس کو کوئی حق حاصل نہیں ہے کہ وہ سرحد کی بجلی استعمال کرے۔ انہوں نے کہا کہ صوبائی حکومت آٹے کے بحران پر خاموش تماشائی بننے کے بجائے مرکز پر دباؤ ڈالے۔ انہوں نے بجلی کی لوڈ شیڈنگ کی مذمت کرتے ہوئے کہا کہ اگر حکمران عوام کو دوبارہ لالٹین کے دور میں لے جانا چاہتے ہیں تو پھر تیل سستا کریں۔ سراج الحق نے کہا کہ مشکل وقت میں اے این پی کے رہنما قوم کی رہنمائی کے بجائے انہیں بے سروسامانی کے عالم میں چھوڑ کر بیرون ملک چلے گئے۔ انہوں نے ان کیمران سیشن کے حوالے سے کہا کہ پارلیمنٹیرین کو بریفنگ دراصل امریکی پالیسی پر انگوٹھے لگوانے کے لئے ہے۔
٭٭٭٭٭٭٭٭٭٭
مردان میں آٹے کا بحران شدت اختیار کر گیا
مردان……صوبہ سرحد کے دیگر علاقوں کی طرح جنوبی ضلع مردان میں بھی آٹے کا بحران شدت اختیار کر گیا ہے ۔تفصیلات کے مطابق وزیر اعلیٰ سرحد کے آبائی شہر اور حلقہ انتخاب مردان میں آٹے کا بحران ایک بار پھر شدت اختیارکر گیا ہے اور 20 کلو گرام فائن آٹے کا تھیلا 850 اور سرکاری آٹا 750 روپے میں فروخت ہو رہا ہے۔من مانی قیمتوں کے باوجود ڈیلروں کے گوداموں میں آٹا دستیاب نہیں۔آٹے کی قلت کے باعث عوام میں بے چینی ہے۔عوام کا کہنا ہے کہ سرکاری آٹا انتہائی ناقص ہے جس سے مختلف قسم کی بیماریان پھیل رہیں ہیں،اس لئے وہ فائن آٹا مہنگے داموں خریدنے پر مجبور ہیں۔دوسری جانب آٹا ڈیلروں نے مطالبہ کیا ہے کہ ارکان اسمبلی سے کوٹہ واپس لیا جائے۔ڈیلران کا کہنا ہے کہ حکومت کی ناقص منصوبہ بندی کی وجہ سے آٹے کی بحران پیدا ہو ا ہے۔
٭٭٭٭٭٭٭٭٭٭
آ