اسلام علیکم!
انٹرنیٹ پر معلومات فراہم کرنے والی بین الاقوامی ویب سائٹ وکیپیڈیا نے حضور صلی اللہ علیہ وسلم کی شبیہہ جاری کر دی ہیں۔ دنیا کی مختلف زبانوں میں معلومات فراہم کرنیوالی ویب سائٹ وکیپیڈیا نے پندرھویں صدی میں بننے والی مختلف خیالی پینٹنگ حضور صلی اللہ علیہ وسلم کی زندگی پر بننے والے معلوماتی ویب پیج پر اپلوڈ کردی ہیں۔ وکی پیڈیا کے اس صفحہ پر حضور صلی اللہ علیہ وسلم کی زندگی کے مختلف ادوار کی تصاویر دی گئی ہیں ان میں مکہ میں کفار کو دعوت تبلیغ اور براق پر عرش معلی کی طرف جانے کی خیالی پینٹنگ جو تیرھویں اور پندرھویں صدی میں بنائی گئی تھی لوڈ کی ہیں اس کے علاوہ سائٹ پر غار حرا اور خانہ کعبہ سمیت مختلف مقدس مقامات کی تصاویر بھی لوڈ کی گئی ہیں۔ واضح رہے کہ اس انٹرنیٹ سائٹ پر کوئی بھی شخص رجسٹریشن کرکے کسی بھی قسم کی معلومات کا اندراج کرسکتا ہے۔ جس پر کوئی بھی روک ٹوک نہیں لگائی جاتی۔ وکی پیڈیا ویب سائٹ کے اس اقدام پر مسلمانوں میں سخت اشتعال پھیل گیا ہے اور مختلف مذہبی اور سماجی تنظیموں نے تمام مسلمانوں سے وکی پیڈیا ویب سائٹ کے بائیکاٹ کا مطالبہ کیا ہے