20 ستمبر 2010

نیو یارک (مانیٹرنگ ڈیسک)ایک امریکی اخبار نے انکشاف کیا ہے امریکی فوجی افغانستان میںعام شہریوں کوتفریحی طورپر قتل کر رہے ہیں”واشنگٹن پوسٹ“ کے مطابق ان آوارہ فوجیوں کا تعلق سیکنڈ اِنفنٹری ڈویژن کے بریگیڈ کی ایک پلاٹون سے ہے جنھوں نے موت کے اس شیطانی کھیل کا آغاز جنوری میں اس وقت کیا جب لال محمد قلعے نامی گاؤں میں ایک افغان مرد ایک فوجی کی طرف بڑھا۔اخبار کا کہنا ہے کہ فوجی نے قریب آنے پر افغان باشندے کی طرف اچانک دستی بم پھینک کر یہ تاثر پیدا کیا کہ امریکی فوجیوں پر حملہ کردیا گیا ہے۔ اس کے فوراََ بعد ایک دوسر ے فوجی نے فائرنگ کر کے اس افغان کو شہید کردیا۔جنوری میں کیے گئے اس حملے کے بعد ایک ماہ تک افغان شہریوں کوشہید کرنے کا یہ کھیل جاری رہا۔ اخبار کے مطابق امریکی فوج کے آوارہ فوجیوں میں سے پانچ پر قندھار میں تین افراد کو قتل کرنے کا الزام ہے جب کہ سات دوسرے فوجیوں کو بھی اس واقعہ میں کردار ادا کرنے کے الزامات کا سامنا ہے۔اخبار کا کہنا ہے کہ فوجی عدالت کی دستاویزات کے جائزے اور اس واقعہ کی تفتیش سے آگاہی رکھنے والے افراد سے کی گئی گفتگوسے معلوم ہوا ہے کہ” تفریح “کے لیے شروع کیے گئے موت کے اس کھیل میں ملوث فوجی منشیات اور شراب نوشی کے شوقین تھے۔

__________________
جاویداسد