اُس نے اِس زور کا قہقہہ لگایا کہ اس کی آنکھوں سے پانی بہنے لگ پڑا اور ہنستے ہنستے اسکو اچھو لگ گیا جبکہ اسکے ساتھی کے چہرے پر طنزیہ مسکراہٹ تھی۔
"فرنٹ لائن اتحادی؟ کونسی احمقوں کی جنت میں رہتے ہو تم؟ امریکہ کو پاکستان کی کوئی ضرورت نہیں ہے اور کم از کم پاکستان جیسے بیوقوف اتحادی کی ضرورت نہیں ہے۔ ہر وہ دانا شخص جو امریکی پالیسی کو پڑھتا ہے وہ اس بات کو خوب جان سکتا ہے کہ اب امریکہ کو پاکستان کی کوئی ضرورت نہیں رہی۔ا گر اس خطے میں کوئی حقیقی معنوں میں امریکہ کا اتحادی ہو سکتا ہے تو وہ ہے ایران ! لیکن تبدیل شدہ حکومت کے ساتھ۔ ایک بار وہ ایران کے ساتھ نبٹ لیں ۔ ۔ ۔ پھر دیکھنا وہ تم لوگوں کے ساتھ کیا حشر کرتے ہیں۔امریکہ کے لیے بلوچستان کے علاوہ تمام کا تمام پاکستان بے فائدہ ہے"

یہ قہقہہ لگانے والا شخص سابقہ KGBکا جاسوس تھا جس نے بلوچستان میں BLAنامی تنظیم کھڑی کی تھی جبکہ اسکا ساتھی BLAکے آرکیٹیکٹس میں سے ایک تھا۔ انکے کوڈ نام "شاشا اور مشا" فرض کر لیں۔ یہ دونوں ریٹائرڈ آفیسرز ماسکو کی ایک ہی گلی میں رہتے ہیں اور انکی واحد مصروفیت ایک دوسرے کے ساتھ مل بیٹھ کر واڈکا شراب پینا ہے۔

"ہم لوگوں نے جب افغانستان پر قبضہ کیا تھا تو ہمکو افغانستان سے کچھھ لینا دینا نہیں تھا ۔ ہمارا مقصد تو بلوچستان میں سے ہوتے ہوئے گوادر کے راستے گرم پانیوں تک پہنچنا تھا تاکہ ہم وسطی ایشیا کی دولت کو کیش کروا سکیں۔اسی مقصد کے لیے ہم نے بلوچستان کو پاکستان سے الگ کرنے کی کوشش کی تھی۔ اور یہی امریکہ کا بھی مقصد ہے۔"

شراب کے نشے میں دھت ان افسران کو لائن پر لانا مشکل کام تھا لیکن باتیں وہ ہوش میں کر رہے تھے۔ شاشا ماضی کی یادوں می‫ں کھو کر بولا

"ہم نے BLA اس لیے قائم کی تھی کہ ہمکو افغان جنگ میں پاکستان کی تیز ترین اور اثر اندازجنگجویانہ صلاھیتوں نے حیران و پریشان کردیاتھا۔ تب ہم نے فیصلہ کیا کہ پاکستان کو اسکا جواب اُسی کی حکمت عملی کی صورت میں دینا ہے۔ چونکہ ہمارا ٹارگٹ بلوچستان ہی تھا تو ہم نے اسی میں پاکستان کے لیے دلدل پیدا کرنے کی کوشش کی۔"

جب ان سے پوچھا گیا کہ آپ کے افغانستان سے جانے کے بعد تو BLA کا باب بھی بند ہو گیا تھا پھر اچانک ہی کہاں سے یہ تنظیم نمودار ہو گئی؟ تو"مشا" مسکرا کر بولا

"ممکنہ طور پر پینٹا گان، کریملن کی مدد سے اس تنظیم کو دوبارا متحرک کر چکا ہے۔ RAW انکی اپنے زمینی آدمیوں سے مدد کر رہئ ہے۔ روس نے اس میں بالاچ مری کو قائل کرنے میں لازمی مدد دی ہوگی۔ پاکستان میں جاری مسائل میں امریکہ کا اپنا مفاد ہے ۔ ۔ ۔ ۔بھارت کا اپنا مداف ہے ۔۔ ۔ ۔اور روس کا اپنا مفاد۔ حتی کہ اس میں افغانستان کا بھی مفاد ہے اور ایران کا بھی۔۔ تم لوگ اس وقت بہت سے ممالک میں سینڈوچ بن چکے ہو"

ہم لوگ ایک دوسرے کا حیرانی سے منہ دیکھ رہے تھے ۔اسی استعجاب میں سوال کیا کہ امریکہ کا اس ٹینشن پیدا کرنے میں کیا مفاد ہے؟ روس اپنے دشمن ملک امریکہ کی کیوں مدد کر رہا ہے؟۔
"روس تب تک امریکہ کی مدد کرتا رہے گا اور اس لیے کر رہا ہے کہ اس وقت ان دونوں کے مفادات ایک ہیں۔امریکہ کی خواہش ہے کہ وسطی ایشیا کے ممالک کے لا محدود توانائی کے ذخائر ، جو اس وقت روس کے dependentہیں وہ اسکی اکانومی کے کام آئیں۔ اور اس مقصد کے لیے سب سے مختصر راستہ گوادر کا ہے۔ اس لیے امریکہ ایسے کسی بھی قسم کے معاہدے کی مخالفت کرتا ہے ، ظاہری نہ سہی ڈھکے چھپے میں ضرور
روس کا مفاد یہ ہے کہ پاکستان ، افغانستان کے ساتھ اور وسطی ایشائی ممالک کے ساتھ کسی قسم کا معاہدہ نہ کر سکے کہ انکے انرجی رسورسز روس کی مناپلی سے نہ نکل جائیں۔
چناچہ بلوچستان کو پاکستان سے الگ کرنے کی حد تک تو دونوں ممالک اکھتے ہو سکتے ہیں ۔۔۔۔لیکن آگے پھر سے اختلافات ہیں۔ اس کے علاوہ امریکہ چین کو بھی روکنا چاہتا ہے جو اس خطے میں اپنا اثر رسوخ بڑھاتا جا رہا ہے"

"اگر پاکستان میں امن ہو گیا تو سب کچھھ ہمارے ہاتھ سے نکل جائے گا۔ پاکستان اس وقت سبھی کی نظروں میں چبھھ رہا ہے۔ وہ لوگ بلوچستان کو الگ کر کے رہیں گے"

تو پھر بھارت اور افغانستان کا کیا کامِ ہمارے منہ سے نکلا؟
" بھارت کیسے پاکستان کا کوئی فائدہ برداشت کر سکتا ہے۔ جب تمام کی تمام کا انرجی کوریڈور پاکستان بن رہا ہے تو لامحالہ پاکستان کی اس تمام خطے پر اجارہ داری قائم ہو جائے گی۔ اس لیے بھارت پاکستان کو کسی قسم کا چانس دینے کو تیار نہیں ہوگا۔ اور رہی بات افغانستان کی تو۔ ۔۔۔۔۔ پورا افغانستان تو نہیں اس میں موجود کچھھ طاقت ور گروپ پاکستان سے نفرت ضرور کرتے ہیں۔وہ پاکستان سے کسی نہ کسی بات کا بدلہ لینا چاہتے ہیں" یہ کہتے ہوئے سابق KGBآپریٹو کے چہرے پر ذو معنی مسکراہت آ گئی۔

کیا BLA بلوچ عوام کو کوئی فائدہ پہنچا سکتی ہے؟
"صرف BLA ہی کام نہیں کر رہی ان کھلاڑیوں کے ہاتھ بلکہ اس کے علاوہ پونم ۔۔۔۔ اور بلوچ اتحاد بھی اہم کردار ادا کر رہے ہیں۔ BLAاس وقت کئی ممالک کے تحت کام کر رہی ہے اور ہر ملک اس سے اپنے اپنے مفادات حاصل کرنا چاہ رہا ہے۔ اور اس وقت حقیقی طور پر BLA کی کمانڈ نوجونوں کے ہاتھ نہیں بلکہ سرداروں کے ہاتھ میں ہے اور بلوچستان کے سرداروں سے انکی عوام کے فائدے کی توقع رکھنا بیوقوفی ہے۔ یہ سردار پیسوں کی خاطر اپنی عوام کو دریا برد کر سکتے ہیں انہوں ھے بلوچوں کا کیا فائدہ کرنا"۔ اس کے بعد مشا نے اپنے ہاتھ میں موجود ایک فائل میں سے بلوچ سرداروں کی وطن فروشی کی تفصیل سنانا شروع کر دی

موجودہ حالات کا کیا انجام ہو گا؟
میرے نزدیک اگر پاکستان نے انکے خلاف کوئی سخت ایکشن نہ لیا تو اسکا نتیجہ بالاخر پاکستان کی تقسیم ہو گا۔شاشا نے کہا
مشا نے اضافہ کیا کہ ابھی تک میں نے پاکستانی حکومت کی طرف سے کوئی قابل ذکر کام نہیں دیکھا کہ وہ حالات دکا درست سے ادراک کر رہی ہو۔

رفرض کریں کہ پاکستان آپ سے مدد مانگتا ہے تو آپ پاکستان کو کیا مشورہ دو گے/؟
" اسکا سادہ سا حل ہے۔ بلوچستان کو ہمیشہ اسکے سرداروں نے پیسا ہے۔ اس کے سردار معمولی پیسوں کے عوض اپنا وطن بیچ دیتے ہیں۔ پہلے مرحلے میں تعلیم یافتہ بلوچ نوجووانوں کے ان سرداروں اور سرداری سسٹم کے خلاف تیار کیا جائے۔ دوسرے مرحلے میں وہاں ترقیاتی کام کیے جائیں اور بلوچ نوجوانوں کے لیے روزگار کا انتظام کیا جائے
اگلے مرحلے میں جب یہ جدو جہد مضبوط ہو جائے توپاکستان سرکاری طور پر سرداری سسٹم ختم کر دے۔ ۔
آخری مرحلہ میں باغیوں کے خلاف طاقت کا استعمال کیا جائے"

اس پر مشا نے اضافہ کیا کہ بلوچستان کے سردار جس قدر زیادہ وطن فروش ہیں اس کے عوام اسی قدر زیادہ بیوقوفانہ محب وطن ہیں۔ ضرورت صرف ان محب وطن طاقتوں کو منظم کرنے کی ہے۔ باقی کا سارا کام یہ لوگ خود کر لیں گے

(A Summery and Translation of a Long Report on Current insurgency in Balochistan)