پاکستان کرکٹ بورڈ نے دورہ ویسٹ انڈیز کے لیے سولہ رکنی ون ڈے اور ٹی ٹونٹی سکواڈ کا اعلان کر دیا ہے۔
ٹیم میں یونس خان، عبدالرزاق، کامران اکمل اور عمر گل کو شامل نہیں کیا گیا۔
کرکٹ بورڈ کے ترجمان کے مطابق ٹیسٹ ٹیم کا اعلان بعد میں کیا جائے گا۔

لاہور میں نامہ نگار مناء رانا کے مطابق پاکستانی ٹیم کی کپتانی شاہد آفریدی کریں گے۔ٹیم میں متعدد نوجوان کھلاڑیوں کو شامل کیا گیا ہے۔کٹ کیپر کے طور پر نوجوان کھلاڑی محمد سلمان کو شامل کیا گیا ہے۔

واضح رہے کہ کپتان شاہد آفریدی نے ورلڈ کپ کے سیمی فائنل میں ہارنے کے بعد کہا تھا کہ دورہ ویسٹ انڈیز کے لیے نوجوان کھلاڑیوں کو شامل کیا جانا چاہیے۔
اس سے پہلے انہوں نے دورہ ویسٹ انڈیز کے لیےخود بھی آرام کرنےکا عندیہ دیا تھا لیکن بعد میں انہوں نے کہا کہ ٹیم کی فتوحات کا سلسلہ جاری رکھنے کے لیے وہ ویسٹ انڈیز جا رہے ہیں۔

چیرمین کرکٹ بورڈ اور سلیکشن کمیٹی سے منگل کے روز ملاقات کے بعد شاہد آفریدی نے میڈیا کو بتایا کہ اب وقت آ گیا ہے کہ نوجوان وکٹ کیپرکو تیار کیا جائے۔

پاکستان کی ٹیم کے کوچ وقار یونس نے بھی نوجوان کھلاڑیوں کو موقع دینے کی بات کی تھی۔

ٹیم کے کوچ اور کپتان کے مشورے کو مدِ نظر رکھتے ہوئے سلیکشن کمیٹی نے عثمان صلاح الدین ،جنید خان، حماد اعظم اور اعزاز چیمہ کو سکواڈ کا حصہ بنایاہے جبکہ احمد شہزاد کو ورلڈ کپ میں ناقص کارکردگی کے باوجود سکواڈ میں شامل کیا گیا ہے۔

پاکستان کی ٹیم چودہ اپریل کی صبح ویسٹ انڈیز کے لیے روانہ ہو گی۔

اکیس اپریل کو سیریز کا واحد ٹی ٹونٹی ٹورنامنٹ کھیلا جائے گا۔

__________________

میرا بلاگ۔ صدائےقلندرhttp://saifikhan011.blogspot.com/