حکومت نے نئے بجٹ میں 16کھرب،50ارب کی رقم کے حصول کےلئے 138ارب کے نئے ٹیکس لگانے کی تجاویز کو حتمی شکل دے دی ہے۔ان ٹیکسوں میں 20اقسام کی خدمات پر ٹیکس بھی شامل ہے ۔انگریز ی اخبار کی رپورٹ کے مطابق بجٹ میں تنخواہوں اور بجلی کے استعمال پر 5ارب روے کا ریلیف بھی شامل ہوگا۔ ڈاکٹر حفیظ پاشا کی قیادت میں ایڈوائزری کمیٹی کی تیار کردہ تجاویز کے مطابق بجلی پر وودہولڈنگ ٹیکس 10فیصد سے کم کرکے 5فیصد کردیا جائے گا۔ اس طرح محصولات میں 4 ارب روپے کی کمی ہوگی۔ سروسزکی برآمد پر انکم ٹیکس 6فیصد سے کم کرکے 3فیصد کردیا جائے گا۔ اس سے محصولات میں ایک ارب کی کمی ہوگی، تنخواہ دارطبقے کےلئے بھی 20سے کم کرکے 12اقسام کے ٹیکس کردئے جائیں گے۔ درآمد کنندگان کےلئے انکم ٹیکس کی شرح 4کی بجائے 5 فیصد کردی جائے گی۔جس سے 12ارب روپے کی اضافی آمدنی ہوگی۔گڈز ٹرانسپورٹ پر ایک روپیہ کلو کے حساب نیا ٹیکس لگایا جائے گاجس سے ایک ارب روپے کی اضافی آمدنی ہوگی ملک کے اندر چلنے والی پروازوں کی ٹکٹوں پر 5فیصد ودہولڈنگ ٹیکس لگایا جائے گا۔جس سے خزانے کو 2ارب روپے کا فائدہ ہوگا۔جائیداوں پر کیپٹیل ویلیوٹیکس کی وصولی کو موثر بنانے کےلئے اس کاریٹ 4فیصد سے کم کرکے 2 فیصد کیا جارہا ہے۔ تاہم اس میں زرعی زمین شامل نہیں۔ 5ارب کے محصولات کےلئے سگریٹ اور فلٹربرانڈپر فیڈرل ایکسائزڈیوٹی لگائی جارہی ہے درآمدی اورمقامی طورپرتیار کردہ ائیرکنڈیشنز۔ریفریجٹرز،ڈیپ فریزر،مائیکرویواون۔پر15فیص د فیڈرل ایکسائز ڈیوٹی نافذ کی جائے گی۔ تاکہ 7ارب روپے کے محصولات حاصل ہوسکیں۔قدرتی گیس پر ائکسائز ڈیوٹی 5.09 فیصد سے بڑھا کر 10 فیصد کردی جائے گی۔7ارب کے محصولات کےلئے ٹیلی کمیونکیشن پر 5فیصد ایکسائز ڈیوٹی لگائی جارہی ہے۔سی این جی پر 10فیصد فیڈرل ایکسائز ڈیوٹی لگائی جارہی ہے۔فیڈرل بورڈ آف ریونیو20نئی خدمات کو نیٹ ورک میں لانے سے 82 ارب روپے اکٹھے ہوں گے۔ ان میں کنسلٹنٹ،انجینئر۔آرکیٹکٹ۔م ینجمننٹ۔کسنلٹنٹ فرمیں۔چارٹرڈ اکائونٹنٹ۔لائ فرمز۔آئی ٹی سوفٹ وئیر کمپنیاں۔بڑے پراپرٹی ڈیلرز وغیرہ شامل ہیں

__________________
جاویداسد